蝦棧 (已搬遷) 新店位置

上网揾一揾太子有咩嘢食，比我发现一间专食虾嘅餐厅，对于我呢一咁钟意食海鲜嘅人来讲，真系一个唔错嘅选择！我同朋友预先订咗位，我地两个入到去坐低左睇一睇餐牌，果然王牌就系佢哋嘅虾，有好多唔同嘅选择，而我同朋友最后拣咗咸蛋黄黄金虾！另外仲叫咗唔少小食，最后叫左一口炸豆腐，醉鸡卷同卤水拼盘！而我就要左个鲁肉饭，朋友就要原味鲁肉伴面加薄荷袖子梳打！先讲讲一口炸豆腐，真系超乎想像地好食，尤其是系个口感非常之特别！食落去嘅感觉唔似豆腐，反而有一种好似鱼腐嘅感觉，又唔会好油腻，配上佢嘅酱汁，食落去唔油唔淡，味道刚刚好，仲完全冇罪恶感！至于个醉鸡卷，水准都一流架，佢嘅醉鸡味道唔会好强嘅酒味，同时好似有少少桂花味，而且肉质好紧致同厚实，食落去非常满足！卤水拼盘就包括左鹅肝、鹅心、猪大肠同鸡脚，我朋友系超级钟意食猪大肠，对佢来讲呢个简直系天堂，我就反而几钟意食佢嘅鹅心，爽脆吾会济，配饭又得！当然唔少得嘅就系佢嘅主角啦，咸蛋黄虾，而且系即叫即整，只只都系活生生好生猛㗎，冇令我失望！咸蛋黄味道出众，而且虾嘅肉质相当好，而且有唔少下虾都有虾膏添，真系好新鲜好好食，同平时一般嘅餐厅食嘅虾完全冇得比，正！而鲁肉饭同原