小鍋霸 (Imperial Kennedy) (已結業)

呢间喺坚尼地城嘅餐厅，汤底款式非常多，我哋就拣咗药膳椰子鸡锅。汤底清清甜甜颜色奶白，鸡肉嫩滑。🐥～～～而套餐方面就有三款可以选择。我哋拣嘅Prime Grade牛肩胛肉及西班牙无激素猪肉片套餐，l包咗台式特饮任饮同埋雪糕一杯。猪肉片食落有少少似日本四元豚嘅质感，好软滑。🐷～～～呢间火锅店嘅饮品真心值得推介。蜂蜜绿茶、热香芋雪香、冻柠茶全部都有高质茶记水准，好怀疑佢哋厨房水吧同事系咪喺边一间出名茶记做过。而且全部饮品都可以自选甜度同埋冰量，贴心。个人最钟意就系香芋雪香，里面有少少麦片好健康，热辣辣又顺喉，令人一天嘅疲劳尽消。～～～火锅料方面有好多款都有特色。奶油南瓜包、🐟方形鱼腐、芋泥贡丸、甜不辣、芫荽烧卖都系出面冇见过嘅。南瓜包入边有扎实嘅南瓜泥，香甜香甜的。～～～🥟手工黑松露芝士猪肉饺属诚意之作，咬落去有拉丝嘅效果，记得趁热食，如果唔系芝士就做唔到流心效果。～～～另外佢哋嘅蔬菜里面亦都有高质嘢可以拣，莴笋紫萝卜全部都新鲜无根，同甜甜地嘅椰子汤底非常合拍，仲有健康贵价嘅羽衣甘蓝等等。