HABO室內釣蝦場

营业中

休息中

自问冇耐性, 今晚竟然比丫妹捉去陪钓虾, 好彩系室内有冷气, 钓虾后可以即场加工即食, 为目标而去, 当锻炼自己耐性。餐厅环境开扬, 设两个大水池, 环境清洁唔会有臭腥味。旁边设少量堂食座位。价钱以每小时计, 初体验尝试玩一个钟, 每位入座起计 (HK$140/小时)入场会供应每位少量虾干作铒同埋钓杆, 仲教埋钓虾技巧, 绝对容易HANDLE 个虾池其实好黑, 唔多睇到入面嘅虾, 冇耐性嘅我原本正质疑入面有冇虾, 但旁边嘅人都大有收获, 而店员每隔20分钟左右就会加虾。当自己成功钓到第一只虾, 真系好有满足感!! 所供应嘅都系大头虾, 既新鲜又肥美。准时地店员就会协助收集每位成功钓到嘅虾, 可以自选打包/即场加工,我地就拣咗其中嘅招牌口味---秘制蒜香酱油每只虾平均被酱汁包裹著, 味道浓郁香甜, 甜中带少少咸香, 虾头内嘅虾膏味道鲜味回甘, 虾肉爽口弹牙, 鲜甜味十足, 配上酱汁, 惹味非常!临走前好奇问过店长, 每位价钱原来basic会包五只虾, 就算最后失败冇收获, 都总算体验过, 同埋至少有五只虾食下。