大家樂 (裝修中)

去咗沙田报名学揸车，行咗去第一城睇吓有咩食，冇咩特别选择之下，食咗个大家乐。你间第一城嘅分店都几大，有两个大嘅舖位，中午时间可能系接近两点钟嘅关系又唔系话好多人。带咗个最出名嘅厚切猪扒饭，老公就点左新鸳鸯饭，两个夹埋都系＄80左右大家乐系我心目中最出名嘅都系呢个猪扒饭，卖相就一般啦，上面嘅酱汁好化学，都系唔知乜嘢沟出嚟，上面仲有番茄，菠萝，讲返个主角啦，猪扒就真系几大块，同个饭盒差不多大，厚切就一般啦，值得一赞嘅系咁大块猪扒都系得一细旧的骨头，另外饭系炒饭底嚟嘅，对于女仔来讲其实都好鬼饱，我都食唔晒。老公食𠮶个鸳鸯饭系而家新出嘅，一半系好似猪扒饭，另外一半系葡汁鸡皇饭，老公就觉得猪扒饭比较好食啲，因为个调味比较浓，其实个size系我嘅正常猪扒饭二份一左右啦，旁边嘅葡汁鸡皇饭，鸡肉就比较少，葡汁都系一般啦，咁对男仔来讲个份量都系足够的。我哋两个都系要左杯热咖啡，就唔需要额外加钱。