翠湖海鮮飯店 (卿旺大廈)

营业中

休息中

同朋友差不多完成当日嘅工作，谂住食埋午餐先返屋企，谂起𠮶日系母亲节，想揾个地方10个人食嘢，似乎有啲难，当时已经11点多啲，朋友查咗电话，直接打去订12：15 竟然订到，好彩。位置安排系1楼，要上1层楼梯，6人枱10个人坐，都ok嘅，坐得亲密啲。好肚饿，就即时落单，点咗15个点心，之后加多1碟炒饭／1碟炒面。炒饭烧面竟然来先。点心后上，不过睇得出系即叫即蒸，起晒热烟。瑶柱蛋白炒饭／豉油皇肉丝炒面上枱时热辣辣，炒得好干身，唔会好油腻，分量仲好多，大家都觉得唔错。烧腩仔我觉得唔得，因为个皮太硬，有脆感，但唔系酥脆，牙都要咬崩。反而我啲朋友就觉得几好。鲍汁鸡脚我无食到，不过见朋友食得几滋味，味道应该唔错。鲜虾肠粉几滑，虾肉爽脆点心拼盘纯粹觉得比散叫平啲，有4款点心，每款两件，平日$55，假期$60腐皮卷好香脆，好亁身，好好食，我觉得系全日最出色。红枣糕／菜苗饺我都无食，朋友话红枣糕好软糯，唔算太甜。菜苗饺都几好。叉烧肠粉／煎酿茄子两样我都系无食到，不过卖相都几好，茄子好大旧，几饱满。食食下都上齐晒啦，呢间几唔错。埋单计9位，每人$110都几抵食，因为真系好饱。