Plato Cafe & Bistro (吳松街)

之前喺油麻地成日同朋友食，原来搬咗去佐敦，都仲keep住咁好食，i am back🥺七点半未够都坐满咗，好彩早咗少少去。卡邦尼烟肉意粉劲钟意个卡邦尼，一啲都唔水，同埋真系用咗蛋黄嚟整，挂满晒喺意粉，仲有烟肉嘅咸味，而且落咗磨菇，令到意粉唔会浆埋一齐，用磨菇嚟分隔好聪明，又好食！德国脆皮咸猪手个咸猪手炸完出嚟出晒烟，同埋炸得好脆，猪手肉都好分明，好香猪油味，猪皮嘅皮下脂肪带有一点猪臊味，好香口！西班牙咖啡系咖啡加咗雪糕，咖啡味好浓，而且雪糕融合咗之后，冇抢走咖啡味，反而更加特出，好浓味。蝶豆花鲜奶估唔到鲜奶都见到超靓拉花，蝶豆花只色真系好靓，同埋加埋奶嘅少少甜，味道好清香，好滑好香！BBQ汁鸡翼BBQ汁超正，鸡翼炸得好脆，加上有沙律，小食盘嚟讲都好高质！南瓜汤估唔到南瓜汤咁清甜，仲有啲南瓜肉，好好饮！