影片
更多
2021-10-04
1488 浏览
晚上经过西湾河街,见到有一间新嘅台式食店,仲有珍珠奶茶饮,就入去试下啦,个样好熟口面,但系明明唔系呢个名,一问之下原来老细改咗个餐厅名。咁样就照叫番以前食开个"卤肉饭"同"刀削面"食至得。侍应用盘送上套餐,有卤肉饭,前菜同小食,我拣咗金菇肥牛。前菜系腌过嘅青瓜同素肉,OK啦。至于卤肉饭水准依旧,并冇失手,卤肉唔太咸啱啱好,仲有半只卤水蛋。小食系白芍金菇肥牛加汁料,都算大碟,清清地几ok㖞。朋友叫嘅刀削面就争少少,主要系刀削面本身质地麻麻,小小淋得滞,唔够烟韧啰,而且叫咗担担面汤底,汤底得花生酱味冇乜麻酱味,所以就系成碗面争少少,好彩个小食盐酥鸡粒补番数。最后送上餐饮,珍珠奶茶就standard味道喇,估唔到热百香果红茶几大杯同埋几好味。整体嚟讲价钱合理,可以再食,下次我会叫面试下先得。我见到一路食,一路有人叫外卖,所以呢间餐厅应该都系抵食之选。
侍应用盘送上套餐,有卤肉饭,前菜同小食,我拣咗金菇肥牛。前菜系腌过嘅青瓜同素肉,OK啦。至于卤肉饭水准依旧,并冇失手,卤肉唔太咸啱啱好,仲有半只卤水蛋。小食系白芍金菇肥牛加汁料,都算大碟,清清地几ok㖞。
朋友叫嘅刀削面就争少少,主要系刀削面本身质地麻麻,小小淋得滞,唔够烟韧啰,而且叫咗担担面汤底,汤底得花生酱味冇乜麻酱味,所以就系成碗面争少少,好彩个小食盐酥鸡粒补番数。
最后送上餐饮,珍珠奶茶就standard味道喇,估唔到热百香果红茶几大杯同埋几好味。
整体嚟讲价钱合理,可以再食,下次我会叫面试下先得。我见到一路食,一路有人叫外卖,所以呢间餐厅应该都系抵食之选。
张贴
