多利民素食 (已結業)

大埔食素，唔洗多讲好多人都知有间叫多利民。通常啲人来叫客饭，因为三十几四十蚊一个客饭配埋例汤，𩠌仲可以双拼不另加费，非常抵食。今晚想食得健康清淡啲，就选择去多利民食素。向墙上面写住好多客饭，客饭亦可以当净𩠌叫，而且有大size小size比客人拣。另外，佢地都有一个小菜餐牌同埋一个饮品面小食的餐牌。我今晚点左罗汉斋客饭丶腐乳炒通菜丶一个唔记得乜名的豆腐𩠌。一坐低就送上2碗例汤，汤料我见到有合掌瓜丶红萝卜丶花生丶红豆丶蜜枣丶同埋一些豆，碗汤清得黎好甜，好好味。先来罗汉斋丶白饭，罗汉斋味道都好清，略嫌茨汁比较多，油是少的，材料都相当丰富，而且都几大碟。白饭够热，中国人食饭最注意就系碗饭一定要够热。腐乳炒通菜系好大碟，仲要炒得好味，而且亦系少油之作，炒也不会炒得太老，好有屋企菜feel。登登登，唔知乜名的豆腐𩠌黎喇！软豆腐切片蒸，淋上素鲍汁，中间果啲粒粒有冬菇丶杂菜丶素肉丶西芹一齐炒番，好野味，拌清淡的豆腐同吃，真系极之夹，而且仍然是少油，再加上卖相一流，真是食指大动！简单的素菜，可以系好食兼好睇！