滾火鍋 (已結業)

夏天热辣辣，好耐都冇打边炉喇! 难得几个朋友今日约出黎见面，朋友介绍去「滚」，咁我一听到紧系一定要去啦!去到「滚」，铺面唔大，但非常干净企理，又有卡位坐，所以坐得好阔落，非常舒适。冷气又充足，夏天打边炉都冇有怕 最贴心系有电视之余，仲有个手提差电位 侍应态度十分有礼，亦都要写一写。有service 之余，亦都会介绍你食好食嘅野，例如杏仁豆腐、炸午餐肉等。我意思系好多餐厅都会推介d贵海鲜你食，而呢度唔会啰。食物材料新鲜到不得了，样样都落足料，真材实料。先睇下个酱料盘基本嘅酱料齐晒，够啦!开餐之前，一人有一杯免费嘅酸味味嘅汁，等你开开胃。选择左呢个普通锅，但沙爹味浓 牛肉新鲜弹牙，但略嫌切得太细块，因为再放落去烚完后会缩得太细，冇乜「赵」口。自己炸响铃，脆卜卜，一流。黑松露唔记得咩饺，呢个都必定要试。鹅粉肠，唔系度度都有得食，有得食一定要食。 猪下青，即系猪颈肉。砌到好靓。8宝丸，样样都有，慢慢食。小食真心推介，炸午餐肉，外层脆卜卜，好似响铃咁放汤两秒即食，哗，真系写紧都想再去食!杏仁豆腐，亦都好正! 外脆内软。