影片
更多
2018-09-03
708 浏览
与友人在奥海城行到攰想揾地方食饭兼休息，见到呢间以蒜做主打的餐厅又几有噱头，加上座位够阔落又唔会太嘈，岩哂我地。餐厅的灯光同摆设都几有情调，感觉好放松。Mad For Garlic绝非浪得虚名，餐牌上每道菜都加入蒜头烹调，连甜品都见到蒜嘅身影。本来已经非常肚饿，卡邦尼意粉上菜时的芝士同蒜香味更加令人食指大动。意粉煮的时间刚刚好，有弹牙嘅口感 ; Sauce香滑之余每条意粉都挂到汁，估唔到蒜香同芝士味道咁夹，除左更香口亦减轻左芝士的饱滞感，食到尾都唔觉得油同腻。食肉兽朋友点左肉眼扒，七成熟冇「煎过龙」，锁到肉汁同保持到肉的嫩滑。虽然芝士薯蓉唔系主角但我好钟意，薯蓉软滑又绵密，加埋芝士更加甘香。蒜头隐藏左系牛扒下面，第一次原个蒜头咁食，烤完之后食落冇咁硬身，辛辣的味道冇左净番蒜香，又几好味~最后紧系要试埋加左蒜嗁甜品! 朱古力酱薄饼上面除左香蕉仲有糖渍蒜头，香蕉同朱古力本来就系绝配，加左蒜头冇格格不入反而添左特别嘅香味，又几得意。云呢拿雪糕好有奶香，最紧要系唔会过甜同雪到太硬。建议大家要趁热食，香脆嘅薄饼加埋雪糕，一冷一热咁最好味。用蒜做主打真系几有创意，味道亦都有惊喜，好奇想试埋其他菜式
餐厅的灯光同摆设都几有情调，感觉好放松。
Mad For Garlic绝非浪得虚名，餐牌上每道菜都加入蒜头烹调，连甜品都见到蒜嘅身影。
本来已经非常肚饿，卡邦尼意粉上菜时的芝士同蒜香味更加令人食指大动。意粉煮的时间刚刚好，有弹牙嘅口感 ; Sauce香滑之余每条意粉都挂到汁，估唔到蒜香同芝士味道咁夹，除左更香口亦减轻左芝士的饱滞感，食到尾都唔觉得油同腻。
食肉兽朋友点左肉眼扒，七成熟冇「煎过龙」，锁到肉汁同保持到肉的嫩滑。虽然芝士薯蓉唔系主角但我好钟意，薯蓉软滑又绵密，加埋芝士更加甘香。
蒜头隐藏左系牛扒下面，第一次原个蒜头咁食，烤完之后食落冇咁硬身，辛辣的味道冇左净番蒜香，又几好味~
最后紧系要试埋加左蒜嗁甜品! 朱古力酱薄饼上面除左香蕉仲有糖渍蒜头，香蕉同朱古力本来就系绝配，加左蒜头冇格格不入反而添左特别嘅香味，又几得意。云呢拿雪糕好有奶香，最紧要系唔会过甜同雪到太硬。建议大家要趁热食，香脆嘅薄饼加埋雪糕，一冷一热咁最好味。用蒜做主打真系几有创意，味道亦都有惊喜，好奇想试埋其他菜式同蒜头嘅配搭，特别系甜品!
张贴
