影片
更多
2024-05-25
149 浏览
我有时都会想一个人食个烧肉嘅，但可以去到贴出嚟真系感觉唔好。首先间铺系好摩登装修，但感觉好冰冷，欠缺烧肉热度。咁基本攞飞后30分钟有枱，咁以星期五晚上系可以体谅嘅。但叫咗个顾客之后先嚟话「执紧枱」，乜唔系ready好先叫人㗎咩？未ready好仲要等多十分钟已经系问题一，问题二系期间仲要serve咗一个号码后啲嘅五人枱。我明白饮食业真系艰难，但都唔系咁挂…都唔紧要啦，咁埋到位就整多一块唔稳阵嘅疫情隔篱板摆我位旁，后来有另一顾客到枱时，块板可以成块揼落我个头㖞，好彩只系少少痛，但未装好块板就俾人轻易整甩，咁整嚟做乜？跟住到嘢食啦，我叫咗个牛五花、肩胛牛柳、牛小排嘅餐，咁事前我系唔知由落单到送嚟开炉都冇人负责嘅，跟住最后收我加一，喂唔好玩啦，𠮶个服务真系for乜嘢？讲返先，切肉又系香港部份烧肉餐厅最钟意嘅薄切，系完全好似纸咁薄。对比一个喜欢食烧肉嘅朋友星期二先响东京秋叶原食𠮶个午市烧肉嘅厚度同口感，呢个直头系失败，再加上块肉烧完系冇肉味嘅，份量以2200日圆同218港元比较，可以话系离谱嚟形容。跟住𠮶个沙律，明明我拣嘅唔系「沙律少汁」，结果系啲汁几乎系唔存在嘅…我已经唔敢比较其他香港嘅一人烧
首先间铺系好摩登装修，但感觉好冰冷，欠缺烧肉热度。
咁基本攞飞后30分钟有枱，咁以星期五晚上系可以体谅嘅。但叫咗个顾客之后先嚟话「执紧枱」，乜唔系ready好先叫人㗎咩？未ready好仲要等多十分钟已经系问题一，问题二系期间仲要serve咗一个号码后啲嘅五人枱。我明白饮食业真系艰难，但都唔系咁挂…
都唔紧要啦，咁埋到位就整多一块唔稳阵嘅疫情隔篱板摆我位旁，后来有另一顾客到枱时，块板可以成块揼落我个头㖞，好彩只系少少痛，但未装好块板就俾人轻易整甩，咁整嚟做乜？
跟住到嘢食啦，我叫咗个牛五花、肩胛牛柳、牛小排嘅餐，咁事前我系唔知由落单到送嚟开炉都冇人负责嘅，跟住最后收我加一，喂唔好玩啦，𠮶个服务真系for乜嘢？
讲返先，切肉又系香港部份烧肉餐厅最钟意嘅薄切，系完全好似纸咁薄。对比一个喜欢食烧肉嘅朋友星期二先响东京秋叶原食𠮶个午市烧肉嘅厚度同口感，呢个直头系失败，再加上块肉烧完系冇肉味嘅，份量以2200日圆同218港元比较，可以话系离谱嚟形容。
跟住𠮶个沙律，明明我拣嘅唔系「沙律少汁」，结果系啲汁几乎系唔存在嘅…
我已经唔敢比较其他香港嘅一人烧肉铺啦，因为一比真系会等收律师信㗎咋…
张贴