影片
更多
2011-03-10
57 浏览
经常晌上半山电梯嘟八达通悭两鸡，顺道都会逛吓Soho，好几年之前已发现依家纽约风小店，佢又唔止卖汉堡包，仲有热狗、特制三文治、沙律、小食同汤，不过当其时见佢个价位，食个汉堡都话几十蚊，食惯麦记大嘅我自然觉得唔多抵，所以虽然晌中环打工都打咗10年，但都一直无帮衬。不过，近年对食汉堡个心态都变咗，虽然一晌系啲美国餐厅都有卖开成百蚊个嘅汉堡，但因为依家出咗好多汉堡专门店，成行成市，制造高质量或有自家特色嘅汉堡包，用料靓咗，价钱当然唔平得去边，故此感觉系食汉堡系享受多过单单要饱肚。见团购网站推出以$59就可以享受原价$120嘅美食，唔使多谂就已经第一时间入货啦！拣好个星期六收工后，等埋老婆齐齐试。见柜位头上个餐牌，选择繁多，但系就光撑撑，字又细，花多眼乱，都费事再望。望住侧墙粉笔字嘅Today’s Special，精简精拣，$60份，有3款汉堡选择，served with fries and soft drink，系奇怪在10% service charge (for dine in only)，睇唔到佢有咩服务俾顾客可言，买嘢又系个客排队晌柜位买，至多都系等佢整好后佢拎俾你，斟茶递水嘅「售后
见团购网站推出以$59就可以享受原价$120嘅美食，唔使多谂就已经第一时间入货啦！拣好个星期六收工后，等埋老婆齐齐试。
见柜位头上个餐牌，选择繁多，但系就光撑撑，字又细，花多眼乱，都费事再望。望住侧墙粉笔字嘅Today’s Special，精简精拣，$60份，有3款汉堡选择，served with fries and soft drink，系奇怪在10% service charge (for dine in only)，睇唔到佢有咩服务俾顾客可言，买嘢又系个客排队晌柜位买，至多都系等佢整好后佢拎俾你，斟茶递水嘅「售后服务」更加唔会有，因为佢都系似个快餐形式经营，唯一可以讲系人哋花咗钱晌装修度，你堂食就享用紧佢个环境，佢啲装修，10%服务费就似系个「留位」费喇，哈哈！所以，依个10%有啲揾笨，好彩其他汉堡专门店无学佢咁啫，真系食快餐都收服务费！手揸$120团购券，啱啱好叫两份，唔使烦，不过因为「服务费」要补番少少。
3款汉堡选择包括：Atomic blue cheese burger, Mushroom gravy chicken burger (grilled), Great chili chicken burger (fried)。我哋拣咗头两者，嘢饮要Coke Zero同Ginger Ale，本来天气有啲寒，太太想饮热嘢，可是依度系无供应嘅，全部都系现成嘅罐装、胶樽装、玻璃支装饮品。
Atomic blue cheese burger个汉堡当然同原子无关啦，更加唔晓爆炸啦，后来上网翻查，有以下一句：「atomic blue is a first of its kind dipping sauce that combines a blend of spices with blue cheese to create a totally new and unique flavor」，假如此话当真，咁atomic blue cheese简单嚟讲应该系啲加咗香料嘅蓝芝士。不过，食嘅时候真系唔单只唔觉佢有咩其他香料晌度，更唔觉依块系蓝芝士，因为蓝芝士系以羊奶加霉菌之类熟成，象牙白嘅芝士布满大理石模样嘅蓝蓝绿绿色花纹，但眼前所见就似系一块普通芝士，唯一似蓝芝士就系味道同样偏咸。但撇除系唔系蓝芝士个问题，其实个汉堡几高质，首先成个汉堡大大个，楂上手甚有份量，视觉上几有睇头；包身松软有弹性亦好重要；牛肉肉味浓兼打得有韧性而不松散，再者煎煮时保存到肉汁，唔会「干争争」，食起嚟感受到满口滋味；最后，以大块生菜兜底，配上蕃茄同热酱汁，既系聪明做法，亦增添味道同口感层次。另外搭条开半嘅酸青瓜，放晌包外，好似Triple O’s咁，就咁斋食又得，放埋入包内一齐食都得。至于薯条，感觉同麦记分嘅别唔大，系大条过佢！
Mushroom gravy chicken burger依个蘑菇汁鸡肉汉堡就差啲，主打嘅鸡块嚡都不得了，严重失分嘅一环，所以鸡块嘅上面个蘑菇汁加埋芝士点好，都拉唔番啲失分。而鸡块嘅下面同个蓝芝士牛肉汉堡一样，以生菜、蕃茄、热酱汁为基础。
确实一大个篮，汉堡加薯条，外国人份量，清晒成篮嘢，非常之饱。以团购个价，实属超低啦，但若以平常正价衡量，个人觉得，以咁嘅价位，属平稳，唔算有太大惊喜。所以，下面是次消费每人$66系以正价计，等大家有个参考！
张贴
