影片
更多
2018-10-26
3525 浏览
今日突然之间好想食韩烧，系旺角放工近近地同朋友去左东大门。一出地铁站就到, 一定会见到佢大大个招牌, 地方超方便。我地6点半去到, 可能时间尚早，可以任选坐位, 店员安排左我地坐低之后，我地就去行左圈睇下有咩食。我地叫左个任食PLAN，计埋加一大概200蚊左右, 可以TICK纸叫韩烧既食物之外, 出面自助区都系任食既, 至于餐厅都有加钱叫其他食物, 不过相信我地就咁点烧既野食加出面自助区都应该好够饱!! 介绍一下自助区既食物!! 真系几多, 热盘有猪脚姜, 成条粟米, 猪皮鱼旦…冷盘有寿司, 韩式前菜…热汤都有3款可以拣, 炸物有薯条, 春卷…炒饭炒面菜都有好多好多选择, 仲要小小甜品同埋几款生果!!!!真系好多野食!! 甜品样样都Keep到水准。汤又好足料，特别系个人参汤，参味好浓，正！任点既食物种类主要系肉类品多, 猪牛鸡羊都有, 另外仲有小小鱼类同蔬菜, 落完单，啲野食好快送到黎。碟虾同蚬系跟餐送既，二人分量都好多。蚬虽然细只，但鲜甜。虾唔系细只既虾仔，烧完之后虾膏多到要爆出黎，厚肉。我地就咁食无加调味都已经好够味。另外我地仲叫左原条五花腩、牛脷、金菇肥牛、牛肋骨、海墨鱼仔、鱿鱼
我地6点半去到, 可能时间尚早，可以任选坐位, 店员安排左我地坐低之后，我地就去行左圈睇下有咩食。我地叫左个任食PLAN，计埋加一大概200蚊左右, 可以TICK纸叫韩烧既食物之外, 出面自助区都系任食既, 至于餐厅都有加钱叫其他食物, 不过相信我地就咁点烧既野食加出面自助区都应该好够饱!!
介绍一下自助区既食物!! 真系几多, 热盘有猪脚姜, 成条粟米, 猪皮鱼旦…冷盘有寿司, 韩式前菜…热汤都有3款可以拣, 炸物有薯条, 春卷…炒饭炒面菜都有好多好多选择, 仲要小小甜品同埋几款生果!!!!真系好多野食!! 甜品样样都Keep到水准。汤又好足料，特别系个人参汤，参味好浓，正！
任点既食物种类主要系肉类品多, 猪牛鸡羊都有, 另外仲有小小鱼类同蔬菜, 落完单，啲野食好快送到黎。碟虾同蚬系跟餐送既，二人分量都好多。蚬虽然细只，但鲜甜。虾唔系细只既虾仔，烧完之后虾膏多到要爆出黎，厚肉。我地就咁食无加调味都已经好够味。
另外我地仲叫左原条五花腩、牛脷、金菇肥牛、牛肋骨、海墨鱼仔、鱿鱼须等等⋯⋯
原条五花腩咁烧真系以为自己去左韩国东大门，成条自己烧，自己剪, 再烧到个面有小小焦, 未放入口已经感觉到韩国既味道。加少少盐喺面，又香又好够味。肥瘦适中，有咬口。
牛肋骨都好好味，本身牛肉唔难烧，但就惊自助式既牛会唔够新鲜。但哩间水准唔错，唔使点任何调味已经好好味。另外惊喜既系牛脷。因为簿砌既关系，好快熟，而且口感相当好。本身唔太钟意牛脷既我都食左好多块。
海鱿鱼须同海墨鱼烧完全唔韧，好好味。比起肉，可以叫多碟再食。
饮品放面都系自取，喺自助区有两个雪柜。饮品种类都系正常罐装饮品多, 想要唔冻可以问店员，都会有。
总结，价钱平，食物种类都够，地方都坐得舒服，店员服务唔错，会再黎。
张贴
