蜀府川鍋 (已結業)

住油塘既朋友推介一间佢附近食川菜既火锅店。今晚黎开哩头，一于黎同佢试下。睇下餐牌先，好多唔同套餐可以拣，有海鲜/蒸气塔/粥底火锅，真系唔只得麻辣鸡煲咁简单。价钱好亲民，大概每位$200左右就可以食到3/4样海鲜再加小菜，视乎选咩餐啦。套餐唔啱都仲有好多小菜可以拣，真系通杀。唔怪之得好似好多街坊黎食。真系地头虫先揾到哩𠮶位。今晚我地都唔太舒服，所以唔想食太辣。见到大蚬粥套餐，仲可以拣象拔蚌/原条东星斑。一于就拣东星斑黎试下，食番多d Omega补番下d骨胶原嘛。大蚬真系好大只，份量都几多，粥底好香，似系用高汤整。东星斑一上枱，我地又哗左出声，好靓。成条鱼薄切再摊开。好靓。好贴心地连鱼头都切开细份， 方便滚粥。 鱼肉好滑，好新鲜。 滚几下见佢卷埋熟咗就食得。炒莴笋 分量多 味道都唔错绿茶芋泥饼 第一次食 外面芝麻好香 开头咬第一啖时有种食煎堆嘅感觉 外层绿茶皮 入面系芋泥蓉 ，味道啱啱好，唔会太甜，当饭后甜品一流。