花月居酒屋

营业中

休息中

好耐都未嚟过尖东呢一边，估唔到尖东多咗好多游客，开左好多药房，小食店都不小。但今日就系想同朋友坐低喺度慢慢食吓野，所以就拣咗一间日式嘅居酒屋。唔好以为日式居酒屋要夜晚先至适合食，其实午餐佢亦都有好多唔同嘅选择，今日又唔算系好肚饿，所以我哋就散叫。先来一个池鱼嘅刺身，平时其实好少食池鱼，通常就系食三文鱼又或者系吞拿鱼比较多。今日食左呢个真系另有一番味道，原条的刺身大概有20件，份量大。鱼味好浓，肉弹牙，亮点系点豉油加姜，非常夹，比起芥末来得好。猪颈肉串烧，望落好似好瘦咁样，但系咬落去好软熟，油脂分泌刚好。鳗鱼串烧，用左白鳝，无乜骨。个皮烧得不错。价钱来讲虽然略为贵左d，但系环境宁静舒适，不错。