影片
更多
2019-03-26
4226 浏览
身边有个「牛魔王」，自然抵挡唔住热石牛扒嘅吸引力。睇Comments似乎深水埗专门店稍胜一筹，不过我地贪就脚拣左位于厚福街嘅野郎Stone。店面好细，唔系大路而系转左入一条横巷，虽然排队位置系较阴暗同污糟嘅窄巷，但无损大家对食嘅执著，平日放工时间排左差不多45分钟先有位。门前放左部日式自助售券机，只可以用支付宝埋单，做摆设多过实用。牛扒有6个部位可选，仲有隐藏Meun牛舌，牛扒价钱唔贵，加30蚊转套餐可以任食沙津、饭、意粉、薯蓉同汤，仲有一罐汽水，都算抵食。牛扒上台前师傅会放张纸巾系上面防止D油弹到周围都系。牛扒本来只有1~3成熟，再按自已心水用热石调整熟度，边切边听到「渣渣」声真系好鬼饿！分别点左牛肋间隔膜同肩胛肉眼，牛肋间隔膜肉质较柔软兼有肉汁，200g牛配套餐对女仔黎讲岩岩好。另一份肩胛肉眼肉质较硬，但牛味比间隔膜要浓郁得多。沙津唔算新鲜，都可能系个酱唔岩我口味；汤过甜味道普通；反而薯蓉我几钟意，够滑又唔会太浓味，果然薯蓉同牛扒好夹。酱汁都有几款可以拣，牛肉汁唔错，搭埋蒜蓉食够香。食物总体水准比预期更高，牛肉冇加松肉粉或者其他调味，够原汁原味，套餐配菜未算有惊喜但性价比够高，大胃
店面好细，唔系大路而系转左入一条横巷，虽然排队位置系较阴暗同污糟嘅窄巷，但无损大家对食嘅执著，平日放工时间排左差不多45分钟先有位。
门前放左部日式自助售券机，只可以用支付宝埋单，做摆设多过实用。牛扒有6个部位可选，仲有隐藏Meun牛舌，牛扒价钱唔贵，加30蚊转套餐可以任食沙津、饭、意粉、薯蓉同汤，仲有一罐汽水，都算抵食。
牛扒上台前师傅会放张纸巾系上面防止D油弹到周围都系。牛扒本来只有1~3成熟，再按自已心水用热石调整熟度，边切边听到「渣渣」声真系好鬼饿！
分别点左牛肋间隔膜同肩胛肉眼，牛肋间隔膜肉质较柔软兼有肉汁，200g牛配套餐对女仔黎讲岩岩好。
另一份肩胛肉眼肉质较硬，但牛味比间隔膜要浓郁得多。
沙津唔算新鲜，都可能系个酱唔岩我口味；汤过甜味道普通；反而薯蓉我几钟意，够滑又唔会太浓味，果然薯蓉同牛扒好夹。
酱汁都有几款可以拣，牛肉汁唔错，搭埋蒜蓉食够香。
食物总体水准比预期更高，牛肉冇加松肉粉或者其他调味，够原汁原味，套餐配菜未算有惊喜但性价比够高，大胃王都绝对食得饱！环境方便空间略为窄小，坐落都几迫，不过以呢个价钱食到大大块牛扒，我觉得可以接受啦！唯一觉得店家要改善系店内通风，开放式厨房加上人多空间又细，成间店油烟味好重，今次坐门口位都觉得好焗，可以加强通风就更好啦！
张贴
