影片
更多
2021-12-31
1817 浏览
就快到年尾，近日市面所见，周围都好多人，唔少人趁月底前用埋啲消费券，否则过期无效，买大型家电啦，买手机啦、买影音产品啦，当然，食餐好嘅，食餐豪嘅，都有唔少人咁拣。趁住圣诞，嚟到歌赋街嘅「淡路」，食番一餐高质素嘅「厨师发办」（Omakase）迎一迎圣诞。单睇门面，和风嘅感觉唔太强，但踏入玄关，就完全唔同晒。再走入店内，以一贯和风浅木色为主，装修简约，配以柔和灯光，衬以浅灰色梳化椅，感觉舒服。一张L形板前席，有9个位，喺食「厨师发办」嘅指定最佳位置，因为可以睇到师傅切鱼生嘅刀功、揑寿司嘅手势，又可以跟师傅交流。晌呢啲高档餐厅，除咗环境，餐具及服务都喺值得留意嘅一环。一碟、一杯都好古雅，之后盛菜嘅器皿亦都赏心悦目，店名取自兵庳县嘅淡路岛，师傅一讲，原来筷子托就喺淡路岛嘅形状，蛮有心思。而服务方面，好熨贴，就如餐具旁，就放有热毛巾及印有店名嘅口罩套；此外，师傅例必先问问有无嘢唔食得，或食物敏感嘅指定动作，店员又不时为我哋添茶及收拾餐具，态度有礼。师傅上菜嘅速度，亦喺恰到好处，令人用餐感到悠闲唔急促。 餐牌有介绍店家少少嘅资料，原来主理嘅大厨已有40年经验，而仲有一位本地师傅，咁我哋就可以交流多
单睇门面，和风嘅感觉唔太强，但踏入玄关，就完全唔同晒。
再走入店内，以一贯和风浅木色为主，装修简约，配以柔和灯光，衬以浅灰色梳化椅，感觉舒服。一张L形板前席，有9个位，喺食「厨师发办」嘅指定最佳位置，因为可以睇到师傅切鱼生嘅刀功、揑寿司嘅手势，又可以跟师傅交流。
晌呢啲高档餐厅，除咗环境，餐具及服务都喺值得留意嘅一环。一碟、一杯都好古雅，之后盛菜嘅器皿亦都赏心悦目，店名取自兵庳县嘅淡路岛，师傅一讲，原来筷子托就喺淡路岛嘅形状，蛮有心思。
而服务方面，好熨贴，就如餐具旁，就放有热毛巾及印有店名嘅口罩套；此外，师傅例必先问问有无嘢唔食得，或食物敏感嘅指定动作，店员又不时为我哋添茶及收拾餐具，态度有礼。师傅上菜嘅速度，亦喺恰到好处，令人用餐感到悠闲唔急促。
餐牌有介绍店家少少嘅资料，原来主理嘅大厨已有40年经验，而仲有一位本地师傅，咁我哋就可以交流多啲。无论午市定晚市，都只有「厨师发办」供应，晚市就只有一个价位：$2,200。
而午市就有两个价位：$980及$1,300，小弟品尝嘅喺「竹」，非常丰富，包括季节前菜、季节刺身、珍味、蒸 / 煮物、手握寿司、卷物、面豉汤、季节果物。顺带一提，店家唔收10%服务费，但欢迎按心意俾贴士，以示对师傅、店员嘅赞赏。
如果钟意饮两杯嘅客人，咁就啱晒，店家提供好多唔同产地嘅清酒，当然，为要照顾喺其他客人，仲提供埋啤酒、梅酒及汽水。
先嚟3款前菜，叫得「季节」，就即喺时令，亦喺食「厨师发办」嘅卖点。3款前菜分别喺海胆鸡蛋豆腐、九州熊本豚肉及吞拿鱼鱼皮啫喱冻，以精致嘅器皿一拼送上，而享用亦有次序，就喺由左至右。
季节前菜
16 浏览
0 赞好
0 留言
简单嘅蒸鸡蛋，但嫩滑如豆腐般，而甚具蛋香，最有趣喺加上一瓣海胆之余，更佐以少少日式芥末，令味道更富层次。
九州熊本豚肉师傅解释依家天气冻咗好多，前菜唔想全部都喺冻嘢，所以，加入一道热菜。啲豚肉煮得好软腍，加入少少新潟县寒作里柚子辣椒酱去调和，而底下仲有啲野菌同大葱，原来喺有名堂，叫做下仁田葱，嚟自群马县。
吞拿鱼鱼皮啫喱冻呢一道啫喱冻做得相当精致，外表又晶莹，入口清凉爽口，里面除有啲鱼皮，更混有博多嘅万能葱同一啲辛味噌嚟提味，好有趣。
然后就睇住师傅整季节刺身，刺身会提供3款，分别喺针鱼、细池鱼及帆立贝，真喺睇住Mark师傅一边切鱼，一边整理啲伴碟装饰，又问吓呢样，问吓𠮶样，几赏心乐事架。
针鱼刺身啲针鱼切到既薄且透，鱼身显出一线银光，加上花串、牙惹，卖相非常之靓。师傅话针鱼本身属于淡味嘅鱼类，所以，特别伴上姜蓉、芥末嚟提味，故此，入口有份小清新嘅感觉，至于针鱼嘅口感，则带点柔韧、爽身，虽然鱼味淡，却好鲜甜。
针鱼刺身
11 浏览
0 赞好
0 留言
细池鱼一身嫩红色，有光泽，表面还轻轻鎅花，伴以昆布、炸茗荷（姜花嘅芽，又长知识了），同样又喺做得卖相亮丽，此外，除佐以姜蓉、芥末，更另外加上万能葱酱油，可以令鱼鲜味更突出，的确，比起针鱼，细池鱼嘅鱼味明显突出。
细池鱼刺身
8 浏览
0 赞好
0 留言
炙烧好帆立贝，再以紫菜包住，直接从师傅手上接过嚟，呢个食法唔陌生，以往晌其他「厨师发办」都遇过。帆立贝嚟自北海道，非常大只，又厚肉，香脆嘅紫菜搭上软绵嘅帆立贝，加上鲜甜无比，𠮶份嘅感觉真喺正。
烧帆立贝刺身
9 浏览
0 赞好
0 留言
餐牌中有一环喺叫「珍味」，小弟都喺第一次听，大意喺一啲精致嘅料理。以淡路岛出产嘅生蚝入馔，加入土佐醋同柚子醋去煮，虽然只蚝唔太大，但蚝味浓，嗒到海水嘅咸鲜味，两款醋产嘅生化学作用，有一份酸香感，却唔呛喉。
薯仔馒头再来多一客热焫焫嘅煮物，咪睇佢好似薯蓉一嚿，师傅介绍时，原来当中有好多食材，外层喺以北海道产嘅男爵薯仔、百合、准山所搓成，所以，入口烟糯，有薯香；馅心喺馒鱼加上冬菇所做，味道比较油香。此外，仲以九条葱、芥末打咗个茨汁，真喺处处都睇到心思。
薯仔馒头
9 浏览
0 赞好
0 留言
食到呢刻，师傅晌我前方摆上寿司盘及渍物，就知喺手握寿司时间到。不得不讲，除咗例有嘅酸姜片之外，仲有3款唔同颜色嘅腌渍萝卜，以及榨菜、淮山渍及红酒桥头，作为每道寿司嘅间场，又有清清味蕾之效，更摆设得好有艺术感。
其实，由开始至今，已见到师傅不时切定啲鱼生片，放晌一旁嘅砧板之上，为做寿司作好准备，将切好嘅鱼生片摊暖备用，更不时以手背去量吓啲鱼生嘅温度，会唔会仲喺好冰冻、适合俾客人食未。仲有个细心位，就喺师傅送上第一件寿司俾客人之后，都会问一问寿司嘅饭饭会唔会过多或过少，以便之后所做嘅更合客人心水。
此时，店员仲会奉上另一条湿纸巾，喺用作食寿司抹手用，所以，小弟都扮吓日本人咁，直接用手将寿司放入口。顺带讲讲，师傅会不时抹番干净个寿司盘，令观感更佳。
石垣鲷寿司 师傅已晌每件寿司中加咗芥末，再晌上面薄薄涂上酱油。石垣鲷色泽亮丽，面头放咗少少煮过嘅昆布，入口肉质鲜爽，鱼味不失礼，饭粒挺实唔松散，口感软绵。
石垣鲷寿司
7 浏览
0 赞好
0 留言
由于第一件寿司嘅饭量刚好，所以，之后嘅都唔需要加多或减少。晶莹而带淡粉红嘅深海池鱼望落保持一贯光泽，足见其新鲜度，鱼质嫩得嚟带点点爽口感，鱼味鲜甜。
深海池鱼寿司
16 浏览
0 赞好
0 留言
好多时食「厨师发办」都有呢一款鱼嘅踪影，可以讲喺常客。最有心思喺加咗一小件火炙裙边，增加其油香度，却又唧少少青柠汁去腻，所以，一啖入口，油香、清爽、鲜味大融和。
左口鱼寿司
9 浏览
0 赞好
0 留言
赤陆，又叫喉黑，真喺比较少食，小弟都唔肯定有无食过，总之，一样细心去品尝。师傅话专登连住少少鱼皮，并轻轻炙烧过，鱼身散发点点油香，加点以米、瓜、味噌、辣椒制成嘅三星渍，令食味更富层次。
赤陆寿司
7 浏览
0 赞好
0 留言
踏入11月，正喺𫚕鱼当造之时，𫚕鱼就即喺油甘嘅大人，咪以为大条咗就会肉质嚡，其实佢喺顶级食材，油份更重。今次更喺试其腩位，肉质入口油润而甘甜，放上少少香脆嘅炸穚头，令口感更特别。
𫚕鱼腩寿司
11 浏览
0 赞好
0 留言
喜之次又喺另一高级嘅食材，火炙过，变得额外油润甘香，肉嫩而带点胶质，鱼味颇浓；再加点点柚子胡椒嚟提味，确喺令鱼鲜味更突出，有画龙点睛之效。
喜之次寿司
9 浏览
0 赞好
0 留言
师大介绍时，中拖罗嚟自青森县大间，仲熟成咗几天，原来啲鱼生都可以熟成，真喺长知识。件拖罗色泽艳红，好新鲜嘅感觉，师傅不时晌啲刺身上鎅几刀，増加美感。油花分布平均，所以，入口真喺好有油香，肉质柔嫩鲜甜。
中拖罗寿司
9 浏览
0 赞好
0 留言
海胆喺北海道产，师傅更一整盒海胆拎出嚟介绍，而最夸张嘅喺，寿司饭上放上唔少嘅鲜甜，之后，就几瓣几瓣海胆咁铺上面，亳不吝啬，真喺「𩠌」多过饭，入口𠮶一阵阵海胆甘腴丰厚嘅鲜甜味，加上绵密细腻，有种甘甜嘅余韵，可以话无懈可击。
海胆白虾寿司
12 浏览
1 赞好
0 留言
1、2、3……8，餐牌就写住手握寿司喺8贯，鲭鱼寿司喺变咗「私人醒」嘅第9贯，失惊无神有惊喜，呢啲就喺食「厨师发办」嘅趣味。切好之后，再火灸，师傅又有分享，佢话支火枪喺特吃订制，出嚟嘅火焰喺唔会有𠮶阵煤气味，赞！此外，再晌面头铺上一块薄到透嘅昆布，包上紫菜，由于鲭鱼以醋渍过，饭内又混有黑白芝麻，整体酸香好食。
箱押鲭鱼寿司
6 浏览
0 赞好
0 留言
去到「厨师发办」嘅尾声，梗有一道卷物，好得意，大多数都喺吞拿鱼腩呀、拖罗蓉……之类。今回所食嘅喺拖罗蓉卷，睇住师傅做，放入大量拖罗蓉，再混入少少葱碎、芝麻，虽然无咩惊喜，但一咬紫菜就应声脆开，而鱼蓉绵密鲜味，油香慢慢晌口腔内溢出四散。
面豉汤食完多款寿司、卷物，都喺时候饮番碗热汤暖暖肠胃，简单一碗面豉汤 ，面豉嘅味道香浓，尤其晌呢啲寒冷嘅日子，就更添暖意，饮过更感舒服。
季节果物真喺唔上到枱，都唔知会喺咩生果，卒之揭盅，喺甜度甚高嘅富山杮，杮肉清甜。有时晌啲网购中，更见做成富山杮干，作为高级嘅礼盒！
富山杮
11 浏览
0 赞好
0 留言
因为时值圣诞，同场加映额外奉送多一客「布丁烧」，睇个样有少少眼熟，师傅好老实话唔喺自家制，无错，就喺对面街「小确幸」嘅出品喇，佢哋嘅布丁烧颇有口碑，当然，店家都加多少少「二次创作」，加点杂莓，唧上自家制朱古力浆，整靓个卖相。个布丁烧非常好食，上层原味布丁做咗轻轻嘅焦糖，而口感软滑富蛋香，底层嘅芝士蛋糕绵密富芝士香。
今餐「厨师发办」唔止品尝到多款美食，亦有唔少惊喜，又学咗唔少嘢，非常满足，真喺好有食「厨师发办」嘅体验。当然，小弟唔喺咩食家，对好多食材、烹调方法嘅认识都好有限，所以，每一次「厨师发办」嘅体验，都喺一次好好嘅学习机会。
张贴
