西宮 (已結業)

依家平平地食个放题都要二百几接近三百蚊，嚟到元朗见到$178 加一就有放题加buffet, 咁抵就即管试下有无伏。场内唔算大但都几企理而且食物都几多种类，落完放题order 就出去拎野食。有冷盘同热盘，冷面出奇地好食，爽口唔会一 pat pat, 焗西兰花焗得刚刚好，有少少芝士味，唔错！鱼生叫左几款，最特别有象拔邦，食落口唔好好un, 其他都食得出系新鲜无霉味个d另外仲试左个糖心蛋同冻豆腐，又唔错㖞，个蛋煮得啱啱好。另外佢地仲有我最钟意嘅cold cut ,竟然有埋巴马火腿配哈蜜瓜。巴马火腿唔算好多肥，但胜在味道咸香够！最后encore 多转buffet, 试埋生虾同青口，青口够大只，但生虾如果冻少少就正d, 不过正体嚟讲都满意，性比价高，值得一试。