華苑酒家 (已結業)

一不离二,二不离三,每次入元朗都要发掘唔同嘅美味,西餐日本嘢烧烤都试过喇,唯独是蒸气火锅海鲜仲未曾试过,呢间叫<华苑>嘅酒楼平平哋每位$268就可以任食任饮蒸气海鲜餐,价钱咁抵试吓都无妨吖~酒楼胜在地方够大,就算多人帮衬都唔洗等位就有得入去,最钟意就系食嘢有效率㗎喇。任食任饮蒸气海鲜餐($268蚊)：首先挑选粥底,餐纸上面共有三款,我哋就拣咗南瓜排骨粥,之后每人就再拣四款自选海鲜~咁我哋总共就拣咗生猛大元贝+蛏子皇+生猛海中虾+生猛鲜鲍鱼,样样都系我哋钟意食嘅海鲜类最后仲有张点心纸,入面嘅肉类+蔬菜+糕点同汽水全部都系任嗌唔嬲,所以都唔洗惊海鲜唔够饱肚,另外唔好忘记仲有锅南瓜粥呢~大元贝同蛏子皇上面都加咗料,有哂粉丝同蒜蓉,咁样清蒸一向都系无敌之最虽然鲍鱼上面冇果皮,不过都加咗小小葱花同埋冬虫草花,蒸完之后一样烟韧弹牙,鲜味十足。其实蒸海鲜虽然唔难控制,不过出得嚟食饭多数都会挂住倾计,再唔系都做咗低头打机族,所以酒楼嘅职员全部都会自动帮忙蒸煮,帮客人睇住时间,服务有哂水准,有够诚意再到任食类别,我哋都冇做大嘥鬼呀,食得几多先嗌几多,都系随量点咗啲蔬菜类例如翠肉瓜同秋茄子