梨滿園韓國料理 (已結業)

收工去咗旺角女人街揾嘢食，女人街有好多好嘢食，揾食之间，见到大大个banner被 “梨满园”被深深吸引咗。因为系韩式炸鸡，仲要放题，最紧要系 $1xx 百几蚊咋!上到去地方阔落，坐得舒服。即刻坐底食个超抵食嘅炸鸡放题。本身都有一刻谂住试韩烧，韩烧其实仲吸引!但都系炸鸡啦，又平又好食!个放题套餐其实唔只系炸鸡，仲有蛋卷同埋寿司，仲有一款嘅芝士鸡，所以百几蚊任食嚟讲，冇得输啦!炸鸡口味仲有4款 (姜葱味、甜辣味、芝士味、蜜糖味、秘制酱油味)炸鸡非常香脆可口，味道好，汁酱仲正，本人推介姜葱味，真心正!蛋卷又滑又香，紫菜系中间，配沙律酱，好味!芝士鸡都可以食完又食，啲芝士又香又 “烟un”，食完要encore 再 encore。食到回晒本，百几蚊食到非常满足。总结嚟讲，炸鸡可以去 “梨满园”试下。