元祖和風食堂虎藏

营业中

休息中

事出突然，爸爸忽然入左院，即日就带埋仔仔去探公公。明爱探病时间只有5-8，去得探病就煮唔到饭啰；所以探完病就爽手系地铁站附近揾食，早完早点回家休息呢。其实行去明爱前，仔仔已经沿途留意食乜好，最后拣左依间元祖和风食堂虎藏；因为佢睇起上黎几好味，又好抵食咁。结果，抵食就系抵食既，只系味道就好一般；仔仔食完话劲后悔，早知食第二间啦。去到时都唔算多人，我地拎左飞后就开始人多啦，等左5分钟左右开始有位，我地坐底冇耐，就见好多人等位啰。其实都几多选择，又唔贵，真心觉得，如果住系果头，应该都会成日去食。绿茶蛋糕餐真系超抵食，有蛋糕，有饮品，有拉面；先系48蚊咋。个拉面其实都唔系细碗添㖞；完全食得饱正常人（我系唔正常的，所以重有一半面比仔仔食）。拉面，我一向麻麻地，我就唔觉得特别好食或差，绿茶芝士饼好好味，冻柠茶就十分之唔得，不过咁既价钱，真系接受既。仔仔叫既饺子，木鱼饭加拉面，仔仔谂左好耐要乜饭，因为佢有三款饭可以拣的；佢亦有谂过食第二个餐有带子鱼生饭的。不过最后佢话想食饺子就叫左依个餐啦。虽然冇饮品同甜品，但其实都抵食架，咁好似先系68蚊，细食D就可以一个餐分两餐食啰。仔仔边食边后悔，话早知叫第二