鍾菜 (已結業)

赤柱多外国人又多游客，高档食肆不少，连领汇商场都来个大翻“新“，变哂中高档次舖头，对象肯定唔系邻近马坑邨居民。呢度唯一酒楼系钟菜，细细间但周末午饭时间都唔满座，或者游客唔食中菜附近居民又嫌贵？点心质素其实不俗。锅贴香口不过下面块网只系整色整水。叉烧包奶黄包皮薄馅多，鳕鱼饺出奇地有鱼味而唔腥。千层蛋糕忌廉份量适中。最得意系啲彩色胶蒸笼，唔知同蒸点心效果同竹笼有乜分别，又唔知点解有啲用胶笼有啲用竹笼呢...价钱稍贵但竟然免茶免加一，计落条数差唔多。去到赤柱唔想食西餐可以考虑呢度。