影片
更多
2009-12-17
67 浏览
16-12-2009答案系: 食海鲜! 有幸成为 C 太太生日饭的座上客, 仲要去食我最喜欢的海鲜, 多谢 C 氏伉俪的邀请 坐低先嚟一碟花生及鸡翼尖 (!) 做前菜: 鸡翼尖炆(?) 得入味, 软腍得连 d 骨都咬得烂 食落带麻油香, 少少酒香及甜味, 十分惹味, 相信送酒一样正, 不错的一客餐前小食 豉油皇煎虾碌 (4 只): 系大头虾, 虾头内 d 膏唔多, 不过几香; 虾肉就劲爽实, 而且做得香脆带甜又几干身, 食落唔油唔腻, 正 蒜蓉粉丝蒸贵妃蚌 (4 只): 贵妃蚌劲好肉地, 蒸得火喉不错, 食落鲜嫩多汁; 最好食就如常系粉丝, 蒜蓉份量落得刚好, 吸埋蚌汁, 食落极级鲜甜, 送饭亦一流. 推介!豉汁粉丝蒸蛏子皇 (4 只): 豆豉落得好多, 粉丝就较少, 蛏子皇 as expected 几好肉地, 不过蒸得有点过火, 食落唔够爽脆又干了 d, 间中仲有「霹雳啪喇」的「沙」声, 绝对有进步空间.炆鲍鱼 (4 只): 拣了「中鲍」, 十分鲜美, 炆得软腍, 食落又有点弹牙 feel; 鲍汁就仲出色, 味道极级浓甜, 结果要追加白饭用嚟送汁, 正! 椒盐
答案系: 食海鲜!
有幸成为 C 太太生日饭的座上客, 仲要去食我最喜欢的海鲜, 多谢 C 氏伉俪的邀请
坐低先嚟一碟花生及鸡翼尖 (!) 做前菜: 鸡翼尖炆(?) 得入味, 软腍得连 d 骨都咬得烂 食落带麻油香, 少少酒香及甜味, 十分惹味, 相信送酒一样正, 不错的一客餐前小食
豉油皇煎虾碌 (4 只): 系大头虾, 虾头内 d 膏唔多, 不过几香; 虾肉就劲爽实, 而且做得香脆带甜又几干身, 食落唔油唔腻, 正
蒜蓉粉丝蒸贵妃蚌 (4 只): 贵妃蚌劲好肉地, 蒸得火喉不错, 食落鲜嫩多汁; 最好食就如常系粉丝, 蒜蓉份量落得刚好, 吸埋蚌汁, 食落极级鲜甜, 送饭亦一流. 推介!
豉汁粉丝蒸蛏子皇 (4 只): 豆豉落得好多, 粉丝就较少, 蛏子皇 as expected 几好肉地, 不过蒸得有点过火, 食落唔够爽脆又干了 d, 间中仲有「霹雳啪喇」的「沙」声, 绝对有进步空间.
炆鲍鱼 (4 只): 拣了「中鲍」, 十分鲜美, 炆得软腍, 食落又有点弹牙 feel; 鲍汁就仲出色, 味道极级浓甜, 结果要追加白饭用嚟送汁, 正!
椒盐濑尿虾 (2 只): 够香脆, 咸香中带微辣, 濑尿虾肉几实又不失滑溜, 我好唔客气的食了 3, 4 件 仲有炸蒜粒, 又脆又香, 拌饭一流.
油菜: 系菜心, d 茎粗如芥兰 唔算嫩, 油水够食落都够甜的, 不过我觉得再腍一点会更好.
豆腐海鲜汤: 送的, 奶白色的, 其实系鱼汤, 不过饮落我觉得有点腥, 麻麻哋喜欢.
另外仲送了西瓜, 蕃薯糖水及寿包, 不过大家已被自携的 Mimosa 拿破仑生日饼塞饱, 我只食得落几件几甜又几「沙」的西瓜, 糖水及寿包还是打包好了.
食物新鲜唔出奇, 但手势真不错, 加埋干净好坐的环境及贴心的服务, 埋单每人$350 有找, 绝对物有所值, 值得试试.
再次多谢 C 氏伉俪的邀请!
(P.S. 食得太兴奋, 无影海鲜相了, 睇住张鸡翼尖相顶住先啦...)
张贴
