Running 燒 (已結業)

想食烧肉但又想食小食面食，于是就嚟左Running烧，一出䢂就系餐厅范围，K Pop音乐一直播住，环境都唔错，唯一就地下唔太干净，地下有啲黏。食物种类都唔少，肉既质量都唔错，推介大家食薄切西冷牛扒，肉质鲜嫩，牛味浓，加埋预设既酱汁食几好味。除左肉类，仲有海鲜食，不过以呢间价钱黎讲，有海鲜已经系惊喜，扇贝几厚肉味道唔错，但整体而言，店舖嘅海鲜唔太新鲜，生蚝唔新鲜嘅情况较为严重。小食方面，我哋试左炸鱿鱼须同埋炸鸡，鱿鱼须有椒盐味，几香脆弹牙，而炸鸡就有原味、辣味、柚子味，柚子酱酸甜开胃，几特别。另外，令我最满意嘅系熟食，炒粉丝份量正常，唔会太多，味道都真系好似系韩国食到既味道。熟食入面，我最钟意嘅系餐厅嘅水冷面，面质超弹牙，汤汁入面既冰都有味，唔系纯粹用水造嘅冰，面上面嘅酸菜又好开胃，整体呢个面俾人好清新嘅感觉，推介！仲有其他比较特别嘅小食有无骨凤爪，不过个人就觉得有少少太甜，不过味道都系唔错嘅，个辣仲好过瘾。