申子居酒屋

营业中

休息中

申子饭($88)，用蛋白打成云状，卖相系几特别，将蛋黄汁捞埋饭一齐食真系好滑，口感较清淡，可以加饭素紫菜既配料食落更加惹味。三重芝士吉列千层豚肉($228)，热辣辣上菜d芝士已经涌紧出来，夹起有超强芝士拉丝效果，简直令人流口水，外层皮好簿好松脆，而且唔油腻，内里热辣辣既豚肉，温馨一提，一定要趁热尽快食，否则芝士冻左会固定变硬，口感冇咁好食。明太子芝士山药($58)，上层系经过火炙烧过既软绵绵芝士，下层虽然不知系咩食材，卖相似箩白，但口感咬落比箩白更加爽口。软芝士黑豚卷($32/每串)，用豚肉包住芝士去烧，肉汁渗入芝士到，钟意食芝士既一定食唔停口。极上塩烧牛舌芯($108)，切成菱形一口牛舌，方便食用，仲系厚切有咬口，牛舌既独特油脂香味出晒黎，我觉得净系加少少塩已经好好味，此菜式亦提供自家调制酱料，我试过有少少柚子既味道。手打免治鸡肉棒($45/每串)，鸡肉棒点落个酱油鸡蛋汁好滑，而且冇咁热气，入面食到有咬口既口感，相信应该系加入左鸡软骨。