好彩海鮮酒家

营业中

休息中

以前好钟意去好彩饮茶，冇论边间都有好多嘢食，每次一班人叫到成枱嘢，觉得好开心好满足。但西营盘的好彩，总系觉得点心选择比较少，而且仲好耐冇转过款添。三个人食咗七个点心同一碟星洲炒米，好似多咗D呵 。炸鲜虾云吞唔油，酥脆香口、酱汁酸甜适中。萝白糕因萝白唔系季节，唔够清甜，但都 OK。咸水角个皮做得好，烟烟韧韧好好食 、但馅料得旧肉，而且略为大咗D。芝麻煎堆仔淋咗，好失望，上次嚟食好好味㗎 。觉得今日D煎、炸嘢唔太油 ，OK 㖞。跟著蒸嘅点心嚟啦，小笼包D汁比人感觉油咗小小；烧卖同觅菜饺都系隐隐阵阵唔会有特别惊喜。星洲炒米做得唔错，香辣惹味，亚仔食完仲赞辣得嚟好好味，不过D𩠌就多咗D，我哋想米粉多D 。呢度已经唔系好够伙记，做紧嘢嘅就成日时运高，明明见到但原来都睇唔到D客，经理级的职员反应就好好多，但咪做死佢哋啰。