叁拾咖啡室 (已結業)

今日同朋友来到叁拾咖啡室，名就叫做咖啡室，但其实就系茶餐厅。见到午餐餐牌1:45pm后有优惠，所以都等到1:45pm先落单，但我同朋友都睇漏左大大个系桌面的餐牌，原来1:45pm已经可以叫下午茶，而且选择都唔少。喇唦扎肉虾饼鲍片汤河 - 最初见到D个个名咁鬼长，个配搭又有D骑骑呢呢咁，我有问汤河可否转米线，待应都话跟餐牌冇得转，但原来上菜后先发现个汤河即系米线，咁又好似正常返D wor。喇唦比想象中辣，而各样𩠌都比想象中多，虾饼有两大块，而且都几好味，扎肉同鲍片都唔少，但就冇咩特别。味道都唔错。咖喱汁肉眼扒饭 - 朋友叫左咖喱汁肉眼扒饭 ，个扒都几大块下，味道就不过不失啦。最后其实佢个茶餐的汤面类可转蕃茄汤底或罗宋汤底，都有D心动想试下。整体而言，食物质素还可以，系观塘区来讲都算抵食，而且下午茶1:45pm已经开始，算系比较少有。