金公館 (康怡廣場北座)

营业中

休息中

今日带妈子叹下午茶，位于康怡广场，地下搭lift 上三楼劲方便。野食选择几多，价钱都ok, 坐得舒服。✨凉拌雨花海蜇：餐前先黎个凉拌小食～海蜇头厚身，食落爽口滑嘟嘟。麻油味几香，仲有少少蒜粒同芫茜碎，令到佢更加香口同惹味。✨萝卜丝酥饼： 妈子最爱，新鲜热辣超松化，萝卜饀几多，甜甜的劲juicy.✨香煎墨鱼饼：墨鱼味几浓，而且食落啖啖肉非常弹口。如果可以加d 葱，芫茜又或者粟米煎就更加正。✨杏汁白肺汤：以前真系劲惊d 杏汁味，觉得好似药水，但最近居然转左口味接受左。其实个杏汁都令到个汤几清香，而且汤料都几足，有鸡脚，芥菜同猪肺～～饮完个人暖晒。✨五代同堂炒饭：呢个饭好香，饭上面沾满左虾籽，入面仲有弹牙既虾肉，脆脆地既虾干，爆香左既樱花虾同蛋碎。虽然用料简单，但真系几好食，份量唔细，两个人食超饱肚。✨杨枝甘露：汁底好香花奶味，虽然芒果酸酸地，但令到个甜品又唔会太甜，唔错嘅饭后甜品，好满足好饱。