響葫蘆 燒物 . 居酒屋 (已結業)

已经好耐好耐无食过放题了, 今日收工之后到左尖沙咀呢间响葫芦, 同朋友食到痛快!!呢度嘅食物选择非常之多, 除左刺身寿司之外, 各款特色小食一一供应, 加上饮品任饮, 绝对系物有所值!首先有刺身盛上场: 牡丹虾、甜虾、、三文鱼、吞拿鱼、黄金鱿鱼、芥末鱿鱼一一登场。贵价食材牡丹虾非常大只, 绝对系啖啖肉, 加添少少柠檬汁, 更加提升鲜味。厚切嘅三文鱼亦都够肥身, 鱼香味十足; 黄金鱿鱼、芥末鱿鱼同样惹味, 带有少少嘅芥末味, 令人更加食不绝口!手卷及寿司亦有上佳水准, 尤其系海胆手卷, 用料绝不孤寒, 而且质地软滑, 值得一试! 蒲烧鳗鱼酱汁惹味, 无论系原条烧, 或是火炙寿司, 都食得出鳗鱼出色之处!热食方面: 诚意推介香橙焗银雪鱼, 鱼身上有香橙嘅味道, 了少一份油腻嘅感觉, 但多少一份清新嘅味道。鸡软骨脆口, 炸蚝好大只同新鲜蚝味, 同样唔油腻。串烧串串出色, 无论系烧鸡皮、烧冬茹, 或者其他款式, 都系会有令人encore嘅欲望!