Jingle's Cafe & Bar (已結業)

星期六下午我地系最早到一客，可能系早关系无乜人，地方虽然细，摆台几密但都唔逼。叫羊脾($43)、鸡扒饭($43)同肉眼扒($61)。汤分两种，青瓜忌廉同杂菜，两样都足料，味道唔错。至于面包就好满意因为不单得热而且仲脆皮添。主菜就三样都好好，牛扒虽然要well done但仍然够淋又有肉味，羊同鸡D汁非常好味，烹调火喉控制得好好，以价钱而言已好超值。最后杯咖啡都几OK够晒热唔似一般餐厅咁唔热唔冻，两头唔到岸。呢类餐厅愈开愈多其实系好事，以前食西餐，要食宗就要去酒店或高级餐厅，价钱贵未必消费得起，中下价好花园，金凤同飞鹰咁已经out，扒王之王同珊瑚堡，食快餐好过。新崛起如金船长、Cafle must同呢间都可以填补呢个真空，希望各区都有多几间呢类食肆。