嘗聚一刻

营业中

休息中

同屋企人周末既活动系：揾食! 而我比较钟意揾私房菜，贪佢假日都唔使等，约左个个时间就系个个时间～ 👍上到去一出lift, 就见到餐厅，入去坐低，啲头盘就好似等紧我地嚟咁，好感动，终于系食物等我，而唔系我等食物了… 好似系屋企食饭咁… 😍个汤… 真系食不言，因为好好味，大家都好忙咁饮汤。饮完个汤，大家开始讨论间餐厅了：汤同啲头盘都出色，唔知主菜会唔会有落差… 正当大家开始担心之际，主菜开始出嚟了：太雕玻璃虾球 - 真系好岩我呢啲钟意食得清淡既人，清淡得嚟又好香，真系唔舍得食完；豉椒炒圣子皇 - 哈，岩岩先话自己食得清淡，但系连我食得咁清淡既人都忍唔住不停咁夹；拔丝咕噜肉 - 呢个真系唔食唔得，感觉系无粉的，香、酸、甜、脆，加埋既口感系点？真系要试!!!!黑松露鲜菌蛋白炒饭 - 呢个炒饭香到呢~~~ 加上岩岩上获，真系食到好饱都忍唔住要食一碗!!结果，一餐饭，一家人又系食不言既情况下完成，食唔晒既，都要打包返屋企，因为好 呀！仲有样野想讲的：呢间餐厅，免茶芥的，佢地壶茶系有圆肉、红枣加菊花，清、香、甜、润, 每一道菜之间，呷一口茶，去一去腻，我觉得店主好有心思呀！