影片
更多
2021-05-10
456 浏览
上星期六同女朋友想食泰国菜，见 OpenRice 食评无负评，又有d人流，谂住稳阵，叫咗个 $3XX 既二人餐，结果...1）小食拼盘：两条切半既春卷，两件切半既虾饼，两件切半既鱼饼，仲有一粒，无错系一粒鸡肉定扎肉丸... 我问侍应系咪漏咗一粒，佢话真系得一粒...😳 我较少见到二人餐入面，d平价食材只有一粒/一件/一块 （P.S. 个拼盘只用一只白碟盛，无装饰，卖相等同或差过大排档）2）招牌咖喱软壳蟹面包：喂，𠮶汁似葡汁多过咖喱汁㖞，少少，少少辣都无，味道我当见仁见智啦，可能有人喜欢完全唔辣。只软壳蟹好腥㖞，我知唔会新鲜，但唔系咁腥嘛。3）海鲜湿炒河粉：急冻海鲜，明吖，接受既。但个粉，无味既，真系河粉只有河粉味😑4）冬阴公汤： 入面只虾，用叉拮唔起，因为霉到一个点，完。最后，想问下有无人试过佢另一招牌咖喱虾配多士，想知d虾系一样咁霉🤡
1）小食拼盘：两条切半既春卷，两件切半既虾饼，两件切半既鱼饼，仲有一粒，无错系一粒鸡肉定扎肉丸... 我问侍应系咪漏咗一粒，佢话真系得一粒...😳 我较少见到二人餐入面，d平价食材只有一粒/一件/一块 （P.S. 个拼盘只用一只白碟盛，无装饰，卖相等同或差过大排档）
2）招牌咖喱软壳蟹面包：喂，𠮶汁似葡汁多过咖喱汁㖞，少少，少少辣都无，味道我当见仁见智啦，可能有人喜欢完全唔辣。只软壳蟹好腥㖞，我知唔会新鲜，但唔系咁腥嘛。
3）海鲜湿炒河粉：急冻海鲜，明吖，接受既。但个粉，无味既，真系河粉只有河粉味😑
4）冬阴公汤： 入面只虾，用叉拮唔起，因为霉到一个点，完。
最后，想问下有无人试过佢另一招牌咖喱虾配多士，想知d虾系一样咁霉🤡
张贴