火鍋撚 (日富里百好大廈) (已結業)

今日同埋女朋友同佢个妹三个人去左西环，就拣咗呢间火锅撚试吓。一入到去就拣咗个蜂巢豆腐白汤锅，呢个汤底都几特别呀又有秘制鸭血，又有原条人参，咁特别嘅汤底打完边炉一定要当汤咁饮返碗先得。由于本人食嘢好怕肥腻，但系见隔离枱个黑豚肉肥瘦适中，于是就叫咗碟。上枱果然冇令我失望，渌到去啱啱变色就食，鲜嫩无比，完全唔会有猪嘅骚味。而羊肉就啱啱相反，梗系要有少少骚味先好食。呢度嘅羊肉骚味啱啱好即系代表佢新鲜得来质量十分好。而且佢一碟嘅份量十足，三个人一叠都够晒数。我打边炉就成日都需要饮好多嘢，可能因为热气啦。呢度有好多款唔同嘅嘢饮，打边炉咁热气就梗系要叫啲清润嘅嚟饮啦。于是乎我哋就叫咗菊花杞子龙眼蜜饮，佢有淡淡的菊花香味，配合龙眼密嘅清甜，好能够舒缓打边炉嘅热气。除此之外，我哋仲叫咗野生竹笙、爆浆牛丸、皇帝菜等等。竹笙除咗吸咗个汤嘅精华之外，本身爽口嘅感觉亦系我杯茶。打完边炉后，忍唔住叫咗个乌冬配返佢个汤。个汤有淡淡的人参味，真系忍唔住饮咗两碗。呢度好窝心嘅系食完边炉之后佢有个芋圆仙草糖水，仙草绝对有清热嘅功效，不过如果可以少甜嘅话就更加Perfect啦。