八番麵工房 Deluxe (已結業)

呢几日天气都落住雨，所以家人都冇买𩠌就选择出街食饭。上水有个好处就系好似沙田咁唔需要露天，沿途用天桥就可以去到。而今次拣咗火车站旁边既上水广场揾食，因为有啲铺头仲装修紧，所以就试左呢间八番面工房。蕃茄叉烧鸡白汤面 $81汤底小小偏红色，蕃茄味唔算好浓郁，配有半只唐心蛋、2片叉烧同粟米粒，叉烧半肥瘦，所以入口软淋，拉面稍为渌得淋左d，自己钟意烟靭d口感加绿茶 $5网烧三色鸡丼 $85呢个卖相都几吸引，一碗丼饭有3串串烧，分别有烧鸡翼、烧免治鸡肉同埋烧鸡腿肉。3款都系日式酱油口味，热度岩岩好，唔会烧到过左火好干身同鞋口，份量男仔食都够饱。加杂果宾治 $20饺子 5件 $28饺子细细只，配上姜同葱粒，即叫即煎，煎到脆卜卜好香口。炸鸡球 5件 $32同样都系即叫即炸，配上蛋黄酱鸡肉入口滑溜，连埋鸡皮食非常邪恶。