影片
更多
2024-08-26
331 浏览
我好钟意食饺子，但唔钟意食好厚既皮，所以有时经过一啲饺子铺都会吸引到我入去！呢间主打系正宗北方手作水饺，所以就入去试下啦！ 铺头唔算大，但都唔会太迫，因为好多食饺子铺头唔知点解成日都会好迫！我见佢有下午茶餐，见佢好抵食呀，不过我系放工时间，所以食佢既晚餐啦，佢都有多选择，一个主食，一个小食再加野饮！我点咗10只双并饺，拣咗麻辣菜蒲同埋菠菜饺。黎到既时候，10只饺子见到已经涨卜卜，见到入面既馅料，即系话啲皮唔算太厚，咬落去时，好多馅料好满足；麻辣菜蒲少少辣啱啱好；而菠菜饺清淡嘅口感，但馅料足够，所以真系食得非常满足。我平时食饺子，啲饺子皮系成日食唔晒架，但呢度，我食晒10只饺子，都系最后一粒因为太饱所以先冇食到果少少饺子皮，所以佢真系做到皮薄馅靓！评分：👍🏻👍🏻👍🏻👍🏻/5另外，朋友仲点咗一碗酸辣汤羊肉饺面，酸辣汤够酸又带有啲辣，而羊肉饺亦都好有特色，羊肉有少少膻味，好好味，而面条够弹牙。评分：👍🏻👍🏻👍🏻👍🏻/5小食方面，试咗佢哋嘅豆沙饼同鸡丝粉皮。豆沙饼唔系上海铺既豆沙锅饼，而系烟烟UN UN 既豆沙饼，不过唔会太甜，当做甜品啱晒。不过我唔记得咗影😂😂而鸡丝粉皮份量够多，佢既粉皮系类
铺头唔算大，但都唔会太迫，因为好多食饺子铺头唔知点解成日都会好迫！
我见佢有下午茶餐，见佢好抵食呀，不过我系放工时间，所以食佢既晚餐啦，佢都有多选择，一个主食，一个小食再加野饮！
我点咗10只双并饺，拣咗麻辣菜蒲同埋菠菜饺。黎到既时候，10只饺子见到已经涨卜卜，见到入面既馅料，即系话啲皮唔算太厚，咬落去时，好多馅料好满足；麻辣菜蒲少少辣啱啱好；而菠菜饺清淡嘅口感，但馅料足够，所以真系食得非常满足。我平时食饺子，啲饺子皮系成日食唔晒架，但呢度，我食晒10只饺子，都系最后一粒因为太饱所以先冇食到果少少饺子皮，所以佢真系做到皮薄馅靓！
评分：👍🏻👍🏻👍🏻👍🏻/5
另外，朋友仲点咗一碗酸辣汤羊肉饺面，酸辣汤够酸又带有啲辣，而羊肉饺亦都好有特色，羊肉有少少膻味，好好味，而面条够弹牙。
评分：👍🏻👍🏻👍🏻👍🏻/5
小食方面，试咗佢哋嘅豆沙饼同鸡丝粉皮。豆沙饼唔系上海铺既豆沙锅饼，而系烟烟UN UN 既豆沙饼，不过唔会太甜，当做甜品啱晒。不过我唔记得咗影😂😂
而鸡丝粉皮份量够多，佢既粉皮系类似寛粉果啲，又系烟烟UN UN，好味道；同埋佢既月鸡丝唔知系咪用鸡脾肉呢？因为好软滑。淋上花生酱汁，好味。
评分：👍🏻👍🏻👍🏻/5
果日我放工时间食，我临走都见到佢地座满晒，证明我今次拣得冇错啫！
呢间水饺店唔错，饺子大粒又好食，价钱亦都合理，店员话系每日新鲜即包既，我下次一定会再嚟试净羊肉饺子，真系觉得好好味！
整体味道指数：😋😋😋😋/5
性价比：💰💰💰💰/5
环境：❤️❤️❤️❤️/5
服务：✅✅✅✅/5
张贴
