柏 (已結業)

一次过满足晒15个愿望，呢个特盛丼简直不得了！入门穿过深蓝色布帘，就被左边嘅榻榻米式包厢吸引。卡位之间用帘相间，半开放式设计唔会太局促但又同时提高每枱嘅私隐度。而头顶系同样木系嘅小吊灯，光线柔和舒适，被安排到最近门口位置嘅包厢，背后有个小盆景，令人感觉恬静。另外餐厅唔算大，但仍坚持玄关设计亦都值得加分！午市套餐「柏 · 特盛丼」包括15样唔同嘅刺身同食材，单睇卖相咁靓仔都唔拾得破坏咁嚟嘅画面，我J咗好耐先望够开动；至于「串烧六点定食」就好啱食肉兽同低碳嘅朋友，啖啖肉！另外a la carte 仲有好多选择例如Omakase、刺身寿司、锅物、串烧等，选择丰富。追加四款 #鲛鲽刺身薄切、#仙凤趾蚝、#大根鲍鱼同 #利久汁烧安格斯肉眼 都值得畀good。总括嚟讲，其实要评价一间日本餐厅嘅，我一定会睇埋service同用餐环境，因为其实个认为日本菜只要系用靓料，食材新鲜又处理得宜，其实一定唔会争太远，反而餐饭宾至如归与否，真心取决于整体餐厅体验，而呢间餐厅我会畀80分。