好煮意

营业中

休息中

去沙角邨做完义工下午三点几，见到呢间个姐姐出嚟拉客又话新鲜无味精鸡汤，好有诚意咁咪入去试吓。我哋叫咗喇沙，人气药膳鸡米线，上海云吞，西洋菜饺子，菠萝青柠蜜，柚子蜜，柠檬茶。个laksa 有蟹柳墨鱼丸豆卜同一只虾，个汤小小辣，味道唔系咁好，蟹柳好难食只虾系梅嘅，墨鱼丸好实，食左一粒无再食。个鸡汤米线好甜好重酒味，但唔好食，都唔似真系药膳鸡汤味，鸡好鞋无鸡味。云吞同水饺系好普通，未叫难食但一定唔好食，肉同菜应该本身唔新鲜。个菠萝青柠蜜同柚子蜜难得的难饮，超甜，预咗系artificial 饮品但无谂过可以难饮到咁，柚子蜜咁难饮真系第一次。当时佢话星期六日无下午茶餐㗎，但食食吓就听到枱枱都叫下午茶餐，原来人哋系熟街坊。我哋咪问佢点解话无下午茶餐又唔俾下午茶餐牌我哋？佢串我哋下午茶餐好细碗架咋，你哋都食唔饱㗎啦，不如买多几盒生水饺返去煮嚟食啦！明明同枱个街坊叫同一款米线一样咁大碗，真系劲唔老实。咁佢本身都平，废事话佢，我哋话饱唔买生水饺。佢就继续烦烦烦！我哋劲快食完就走！见佢劲hard sell 啲水饺，仲要同其他人讲街坊有折扣仲有几个星期六再去𠮶边，但真系唔会再食。