老爹茶居

营业中

休息中

昨晚食完飯行去攞車，路經呢間老爹，見好多人排隊，心諗應該唔會點差，香港人把口幾刁先得㗎，唔好食唔使錢都冇人食；今晚冇煮飯就同太座講不如去試試，好彩早到冇乜人，因為食食吓已經坐滿哂人喇；我點咗個田螺焗飯餐，要焗咸牛脷茄子配炒飯，我係牛脷控，最喜歡同牛牛熱吻，每次到新餐廳見到有都牛脷都會叫嚟食，講返呢度，真係估唔到咁好味，牛脷入味冇羶味，厚薄適中，而焗飯個茄汁亦相當惹味，個炒飯底先係令我估唔到會食唔停口，絕配絕配!田螺同薯蓉都可以一試，因為我對薯蓉一向冇好感啫；太座叫咗醬汁豬軟骨拉麵，通常太座食嘢都會留3份1俾我食，話怕肥喎，我食咗覺得個湯底同麵質都非常好，而個豬軟骨都好軟滑，軟骨有咬口；呢度價錢絕對街坊價，性價比超高，唔怪之門口排哂隊!