影片
更多
2018-12-07
5587 浏览
美国大型连锁快餐店Five Guys都黎埋香港，主打任食大大粒花生、15款配料任加、无限refill汽水、奶昔(迟啲开放)，睇下同Shakeshack一唔一样，会唔会都系令我失望。环境讲明薯条系用花生油，一桶桶Show哂出黎排左10分钟左右系排队处尽头就有任拎免费花生，落完单比完钱就去拎个地下......好夜先去，佢收22:00，我地21点几左右先到，依然要排队，不过整个过程连拎野食15分钟搞掂，一入到去，第一句就系：「咁污糟……」虽然话系快餐店姐，但系佢唔似系特登形造到咁挂？完全冇人扫地同执枱，成间舖地下都系花生壳同花生衣，唔知我以为返左内地……真系好唔够人手，但系地方好大，另一半话污糟先够贴地，因为系普通Burger店，但系我想讲McDonald’s都讲卫生啦依家……餐牌唔多选择，望落burger有8款，其实姐系4款，因为系单层同双层既分别。有Hamburger, Cheese Burger, Bacon Burger 同埋Bacon Cheese Burger，之后就呢4款有分加左Little(即系单层)系前面同埋就咁款就系双层，另外仲有4款热狗同埋3款三文治，唔少得薯条。野饮都
环境
讲明薯条系用花生油，一桶桶Show哂出黎
排左10分钟左右
系排队处尽头就有任拎免费花生，落完单比完钱就去拎
个地下......
好夜先去，佢收22:00，我地21点几左右先到，依然要排队，不过整个过程连拎野食15分钟搞掂，一入到去，第一句就系：「咁污糟……」虽然话系快餐店姐，但系佢唔似系特登形造到咁挂？完全冇人扫地同执枱，成间舖地下都系花生壳同花生衣，唔知我以为返左内地……真系好唔够人手，但系地方好大，另一半话污糟先够贴地，因为系普通Burger店，但系我想讲McDonald’s都讲卫生啦依家……
餐牌
唔多选择，望落burger有8款，其实姐系4款，因为系单层同双层既分别。有Hamburger, Cheese Burger, Bacon Burger 同埋Bacon Cheese Burger，之后就呢4款有分加左Little(即系单层)系前面同埋就咁款就系双层，另外仲有4款热狗同埋3款三文治，唔少得薯条。野饮都系无限refill，不过暂时得汽水供应，奶昔就Coming soon。
用纸袋装，你take away又得，系到食又得。
Bacon Cheese Burger $95
拣左All the way(Mayo, Lettuce, Pickles, Tomatoes, Ketchup, Mustard, Grilled Onion, Grilled Mushroom)，即系餐厅觉得最夹既8款配料。面包全部用铝纸而唔用牛油纸，其实啲倒汗水吸返哂落个包到，加上包既时时候会压实个包，搞到个包变哂样，扁挞挞……简左双层烟肉芝士汉堡，咬落去蛋黄酱味好出，牛味好浓，不过一啲都唔Juicy，偏干身，似系澳洲既“Hungry Jacks(即系Burger King)”，以香港$95食外国周街食到既平价Burger，性价比极低！只系任加配料呢一点吸引。
All Beef Hotdog $50
呢只就要哂15款配料，除左All The Way果8款，仲多左Relish, Onion, Green Peppers, Jalapeño Peppers, A1 Steak Sauce, Barbecue Sauce, Hot Sauce呢7种。牛肉肠劲浓牛味，浓得有啲膻，我唔太中意，面包同样都系回水问题扁挞挞。
任食免费花生 $0
免费任食花生
43 浏览
0 赞好
0 留言
免费任食花生
32 浏览
0 赞好
0 留言
花生真系好大粒而且好脆口，好好食，讲真我系食花生食饱，无奈地花生比Burger高质……
Fries $35(Little)
Fries (Little)
$35
28 浏览
0 赞好
0 留言
Fries (Little)
$35
39 浏览
0 赞好
0 留言
薯条同样地比较出色，重花生油香，外面脆身，不过我觉得都未够脆，但都算唔错，贴心既系有2款唔同既茄汁提供。
食完可以写低你想讲既说话~~
花生同薯条系全晚最好食既.....两个人都食左$180
点解两间大型美国汉堡包连锁店都系令人失望，两间都系个包出事，都系包底湿哂变哂型，两间我都唔想再帮衬，但如果一定要拣一间好啲既，以味道黎讲我会拣ShakeShack，佢既牛肉真系好Juicy，但如果我只系谂住填下个肚又想食花生吹水，就会拣Five Guys。
张贴
