雲長小龍坎老火鍋 (已結業)

又同几个边炉友去尖咀开左无耐既小龙坎分店打边炉，劲正! 因为好方便住系九龙既我。 一嚟到先点过鸢鸯锅，有麻辣同埋蕃茄味嘅汤底再将鸭血同醉鸡先倒入锅中肴制。醉鸡嘅肉质好滑嫩，当然麻辣味有一啲盖过咗醉鸡嘅酒味。鸭血好滑又唔易散，吸左汤汁特别惹味。朋友点左黄喉本身无味既黄喉系麻辣汤中滚20秒极度爽脆，辣得过隐! 牛立花，四四方方，一粒一口落锅3分钟捞上脂与肉香气均匀，又嫩又香口! 鬼马油炸鬼，唔知仲以为系炸猪扒香口小食! 即炸紫菜响铃每卷都好薄脆，每口都叠上紫菜香气，好味非常。尖椒皮蛋个辣汁带酸好香，皮蛋系糖心既，一食落去就觉得好滋味。 其实我地都点左唔少火锅配料，最后都食到饱饱，食物质素依然非常好。最后喺佢哋facebook打卡赞好仲送甜品， 我哋拣咗红糖糍粑。 一上嚟见到一只只圆碌碌有啲似蚕蛹，好鬼得意， 淋上红糖食落口烟烟靭靭， 细细只又唔会太过腻滞， 唔错。