影片
更多
2017-09-12
5710 浏览
朋友吹鸡食饭，三个女仔食乜好? 有人提议食海鲜，咁我就提议食蟹火锅，之前食过，一直念念不忘。一早睇左OPENRICE，知道做紧优惠，$998就有Holy Crab one 西式蟹宴($538/2位用）同Holy Crab two 日式蟹宴($588/2位用），两个餐一齐叫就平百几蚊，都几抵食。入坐后店员更推介特别优惠 - $910就可以拣两个海鲜SET，包括Signature Lobster Set/Holy Crab One/Holy Crab Two，如果叫两个蟹宴，就会平左二百几，真系好鬼抵，但系我地三个女生食到吗?!最后都系决定散叫算，两个蟹宴实食唔晒，海鲜打包又唔好食。大家几经商量，最终决定叫一个通粉、一个日式蟹宴加一客芝士蟹肉酿蟹盖，饮品就各自拣。饮品我叫左Pineapple & Mint tea$48，大大杯。入口好大阵新鲜菠萝嘅香甜味，又有薄荷嘅清新香气。入面落左大量粒粒菠萝肉同新鲜薄荷叶，超好饮!龙虾芝士Mac N Cheese $208，可以拣长通粉或意大利饭，我地拣左长通粉。嚟到比想像中细碟，放喺小浅锅上面原锅焗，爆多芝士。面头有好多芝士碎同粒粒龙虾肉，蟹钳位亦有
饮品我叫左Pineapple & Mint tea$48，大大杯。
Pineapple & Mint tea
$48
31 浏览
0 赞好
0 留言
龙虾芝士Mac N Cheese $208，可以拣长通粉或意大利饭，我地拣左长通粉。
龙虾芝士Mac N Cheese
$208
45 浏览
0 赞好
0 留言
面头有好多芝士碎同粒粒龙虾肉，蟹钳位亦有龙虾肉(要自己拆)，如果顺手帮我拆埋会更好。
酱汁好多好浓味，正! 好好食，但$208都几贵。
呢个日式蟹宴系我推介食，因为真系好好食。先黎嘅系六小钵，摆碟精美，和风感觉。蟹肉玉子烧、蟹子日式冻豆腐、酸辣罗勒海蚬、柚子醋海藻沙律、虎虾配芒果慕丝、海盐枝豆。
蟹肉玉子烧上面有一梳梳真蟹肉，当然好食。不过今日呢个酸辣罗勒海蚬做得更好食，唔辣，煮得好入味，酸酸甜甜味道加上罗勒独有清香更加带出鲜味。
芝士蟹肉酿蟹盖，配上三文鱼子同火箭菜。个餐原本包一客，但呢个太正，另外加$68叫多一客。
面头插住左白饭鱼干片，好香口，脆卜卜。
全个蟹盖酿满晒蟹肉，芝士味浓，一大啖一大啖咁食，好满足。
火锅系纸火锅嚟，要小心食，唔系笃穿左就麻烦。入面有一块昆布，清甜清热气。
店员建议先渌海鲜令个汤更鲜甜，成个海鲜盒都好大盒，虾、蚬、青口、同埋两款蟹放得满满。
虾够新鲜，爽口。
蟹就多肉多蟹膏。
但最大问题系海鲜大大件锅太小，每次只能放一两件蟹件，要分好多次放，搅到食好耐先食完。希望个锅可以做大少少，一次过落多几件会更开心。渌完海鲜，个汤已经吸收晒所有海鲜嘅精华，而且海鲜冇乜油份，用嚟渌菜最啱，又鲜味又健康。蔬菜配料摆放得好靓，鱼型鱼饼加鸣门卷，造型可爱~~~
鱼饼下面系蒟蒻，爽弹烟韧，可以帮助肠蠕动，有「胃肠清道夫」之称架。
火锅后仲有蟹之杂炊，炊饭面头有蟹肉，个饭应该系用蟹汤煮，吸收左蟹嘅鲜味。
最后系甜品，云呢嗱雪糕，唔太甜，粉蓝色好靓，但味道普通!
可惜三个人食唔到两个蟹宴，唔系我都好想试埋个西式蟹宴，下次要试下先~
张贴
