甜牙牙

营业中

休息中

夜妈妈接朋友仔收工，收工后去咗食糖水，呢间糖水舖位于旺角广华街3号百利达广场地下4号舖，舖头名仲好特别，叫做：甜牙牙🤤 🦷🦷冬冰冰既天气想食热既糖水，但又想食冻冰冰既雪糕，所以最后叫咗两份甜品＋一杯热饮，满足哂我地既愿望。🍫朱古力棉花糖窝夫配雪糕🍦 $52即焗外脆内软既窝夫，窝夫好脆口，有2条脆朱古力条，有3粒轻微烤过又软棉棉既棉花糖，白雪雪既忌廉，仲有我最爱既朱古力味雪糕，加上甜甜既朱古力酱。因为窝夫系即叫即焗，所以制作时间需要等约8分钟。🥥椰汁炖桃胶 $36热辣辣既糖水，用咗好香浓既椰汁，加上有大大粒又养颜既桃胶，再有好多好滑好爽口既雪耳制作而成。食完个胃即刻暖哂。🍋柠檬水果茶 $38热辣辣又清甜既柠檬水果茶，水果茶既材料有绿茶茶包、好足料既水果，切粒既士多啤梨🍓，切粒既奇异果🥝，3片柠檬🍋，切半既蓝莓，又有水果食，又可以暖胃。水果茶伴上糖浆，如果想甜啲就可以加少许。