能記飯店

营业中

休息中

喺深井食烧鹅先后试过裕记，陈记，傅记，今次就轮到呢间能记嘞！去到都几多人，我哋要喺门口等咗一阵先有位，店内唔算大，我哋叫咗： 椒盐茄子：呢个都几考功夫，因为茄子系好索油嘅，要攞去炸但又唔想佢吸咁多油真系有啲难度！茄子上枱时卖相都几得，面头拍咗啲粉先炸可以吸少啲油，仲有就系切到块茄子好薄先拎去炸，亦可以减少吸油嘅机会。呢个茄子有啲脆几香口，椒盐亦好惹味，味道就唔错嘞，不过食完都唔似食过嘢，纯粹叫嚟睇吓佢点整到唧！ 黄金煎藕饼：上枱时真系几吸引，一个个金黄色，卖相不俗！面头粉浆够薄，莲藕饼厚度适中，藕味浓郁兼外脆内软绵，有啲惊喜㖞！ 烧鹅：一如以往要咗半只，因为要等出炉，所以嚟到其他𩠌都食晒嘞！只鹅唔算大只，烧鹅皮因为啱啱出炉又热又脆，仲要烧得恰到好处有好多肉汁流出嚟！ 肉质唔够陈记嫩滑稔身不过就唔肥，鹅味亦好浓郁，食得过！ 斋濑粉：佢个濑粉够弹牙又比陈记强㖞，仲要浸咗好耐都唔会发涨或者稔晒断晒，唔错！ 细枝装可乐2枝当然最好食仲系陈记啦！