Keep Rollin' Pizza Cones & Bagels (已結業)

喺呢區返工已經一段時間，其實選擇都算多，大多數係茶餐廳，三文治/pizza 類型嘅就特別少。幾日前咁啱經過呢度，原來有間新開嘅舖頭，即刻點咗個煙三文魚芝士牛油果卷。即叫即做，熱辣辣，加埋啲醬汁，好好味。份量唔大，女仔都OK嘅。舖頭有套餐加配，可以加肉丸，沙律等等。我就加咗個餐湯。今日心思思再嚟，都想試吓其他嘢嘅，但係上次嘅三文魚卷實在太出色，所以又到叫返同一樣嘢。味道仍然好好可能喺新開嘅緣故，外賣食物放喺一個好大嘅紙袋入，所以有少少‘論盡’。今日發覺舖頭多咗人，唔知係咪附近返工嘅人都發現咗呢度呢？