無二三 (已結業)

早排喺网上睇到有post介绍呢间餐厅, 因为个店名几特别又易记, 早两晚同朋友揾地方食嘢就谂起佢, 即刻上Openrice揾下有冇餐牌, 见价钱唔贵就过嚟试下!  餐厅地方唔算好大, 大概有十张枱, 但楼底高所以空间感足够. 一入到去见到旁边有个放咗唔同酒类嘅柜, 再加埋墙上嘅装饰, 整个环境感觉令我谂起之前喺日本去过嘅洋风居酒屋~ 我同朋友都唔算好饿, 于是就随意叫咗个冷盘, 两款小食, 一款甜品同埋梳打特饮. 冷盘试咗牛油果酱麻糬多士 ($68), 上枱时有惊喜, 用咗只Martini杯装住一大球牛油果酱, 个酱味道丰富而且食落好fresh, 配埋热热地又好香嘅麻糬多士一齐食都几match! 麻糬多士都做到烟韧软糯嘅口感, 不过真系要趁热食, 因为我地有一块摊冻咗先食个口感就会冇咁正~小食试咗铁板豆腐 ($52) 同埋葱花牛舌 ($58), 铁板豆腐系热辣辣滚住咁上枱, 𠮶下已经闻到好香! 豆腐上面舖满木鱼碎郁郁下, 卖相好得~  厚厚嘅豆腐配上蒜香, 酱油同埋木鱼碎, 简简单单已经够好味.而葱花牛舌亦都唔错, 牛舌切得够薄, 口感几爽而且一啲都唔韧, 牛味又够浓, 呢个小食应该都