老三火鍋雞煲海鮮放題

营业中

休息中

当日嚟到旺角老三火锅鸡煲海鲜放题， 可以时宵夜时段去，比较抵食， 鸡煲同火锅都系任食， 先嚟一个半只小辣鸡煲， 鸡份量比较多， 而且腌得入味， 唔会畀晒啲鸡头鸡尾你， 同埋冇乜雪味， 再加埋 紫洋葱 西芹 芫茜， 增加鸡煲香味， 你唔够食可以再加鸡， 食到满足之后就开始可以拣汤底， 佢系会换另外一个 打边炉嘅煲畀你(好有诚意)， 我地拣咗蕃茄汤， 汤都有几多配料有蕃茄，有粟米，有金菇， 有薯仔，有菠萝， 跟住之后就开始海鲜 打边炉， 今次有虾同鲍鱼， 虾同鲍鱼仲未死，仲郁紧，好新鲜， 虾嘅虾膏可以啜(正)， 之后再落猪肉同牛肉， 牛肉系安格斯牛， 猪肉系伊比利亚猪， 渌晒之后再饮啖汤， 鲜甜，可口， 之后仲有好多打边炉配料畀你拣， 例如 蔬菜篮， 丸 类， 芋丝，牛柏叶，乌冬，出前一丁 白饭…………之后仲有雪糕宵夜时段九点半开始可以食到十二点， 放题有咁多嘢食又鸡又海鲜又猪又牛， 再加埋啲配料 你一定饱同满足，我畀五星星佢