黃金廚房

营业中

休息中

收工之后，梗系要去过深水埗食返个蒸气海鲜放题！今次嚟嘅餐厅系深水埗嘅黄金厨房，地理位置都好方便喺黄金中心商场咋。首先，嚟咗日式刺身拼盘，刺身种类好多款，我钟意嘅鱼生、希灵鱼都有，真系好鲜甜呀。而海鲜拼盘就更加丰富啦！拼盘有生猛龙虾、活鲍鱼、美国桶蚝、元贝、活海虾，就咁睇个卖相都觉得吸引呀。海虾超鲜甜，肉质又弹牙。鲍鱼同埋美国桶蚝都好肥美，龙虾仲啖啖肉添。仲有啲中式糕点可以食，钟意食甜嘢嘅，我梗系要试佢哋嘅马拉糕同姜汁糕，入口非常之松软。肉类方面，仲有极品黑豚肉，豚肉肥瘦适中，入口软腍，作为一个食肉兽，绝对好推介大家试吓🫶🏻