動漫樂園及主題餐廳 (已易手) 新餐厅

妹妹推介呢间既有得食又有得玩既餐厅，最适合一家大细黎。餐厅位置与下层玩具反 斗城同一位置，地方好大，有三分一位置系摆放精品售卖品，例如文具，公仔和衣服等等。有三份位置摆放游戏机，好似篮球机、推糖机、掉彩虹银仔等……再行入去就系餐厅位置， 餐厅墙身贴满卡通图案 ，咁啱今晚唔多人，坐到舒服卡位，地方算颇阔落，枱与枱之间都可以有两个人经过嘅。嘢食𠮶part，我哋叫咗一个芝士鲜茄菠萝焗猪扒饭， 猪扒几松化，感觉似食紧大家乐嘅一哥焗猪扒饭 。胡麻酱鸡髀露蘑菇意大利粉 ， 鸡髀肉味道刚刚好，有胡麻的香味又唔会太浓 ，而且冇白汁甘油腻。 墨西哥薄饼薄饼皮比较脆薄， 馅料酱汁都足够。 水牛城鸡翼 ，鸡翼炸得好香脆， 所有食物上枱嘅时候都系热辣辣，卖相亦算有心思。另外加咗26蚊加两个南瓜汤， 南瓜汤系偏稠，唔会水汪汪， 西瓜汁 虽然唔系太甜但系系新鲜即榨，唔会沟晒糖水。