巴辣仔烤魚雞煲 (加連威老道) (已結業)

身为心多嗜吃族，又想食烤鱼又想食盆菜点做好？巴辣仔可能知道大家都有选择困难症，破天荒推出全港独创嘅四川烤鱼盆菜，入面有足2斤厚肉沙巴龙趸🐟超级架势呀真系🤪盆菜可以拣四川香辣味（有唔同辣度选择）同老坛酸菜味，满足不同要求，入面嘅材料亦唔系传统盆菜以鸡呀鸭呀为主；而系有唔同嘅海鲜：除咗有原条足2斤沙巴龙趸烤鱼之外，更有弹牙原只大连鲍鱼、新鲜海虾🦐嫩滑花胶、吸汁鱼肚、急冻海参、猪手、水鱿鱼、杂丸、冻豆腐、鲜冬菇、萝卜角、芋头、鸡脾菇、秀珍菇、西兰花，真系好丰富嘅呢✨巴辣仔对食材好有要求㗎，因为曾经去拜师学艺，务求用最地道嘅方法去炮制烤鱼，所以个盆菜个汁一望就知十分正宗，我哋今次拣咗四川香辣味，见到好多辣椒同香料喺入面，唔怪得咁香浓好味，同回味无穷喇🤩特别推介冻豆腐同鱼肚，吸晒啲辣汁，完全将盆菜登上新潮饮食殿堂～而且入面有平时食盆菜比较少见嘅材料，每次系底到夹到啲新嘢出嚟真系好似寻到宝咁开心😆