薩莉亞意式餐廳 (已結業)

接女朋友放工后再送佢番去，肚饿冇野食又想食平平地，所以就去食出名平既萨莉亚。萨莉亚出名每样野都平，但每样野都细细碟咁，可能等你班友食唔饱叫多啲，虽然系咁，但系我眼中佢都有个好处，就系可以每样都食下试下，于是我同女朋友两个人就叫左四样野。蒜蓉汁鱿鱼，好好食，煎得香口焦焦地，点埋汁咬落去加埋个口感，呜呀~食到女朋友想叫多碟。水牛芝士pizza，一般般，普通芝士加pizza底，我都系钟意上面铺满哂𩠌既pizza，但都唔错既。蜜汁鸡翼，我觉得好普通，但女朋友系咁话好食，冇办法...佢最钟意就系食鸡翼。波菜辣汁意粉，我几钟意食佢，本身已经辣辣地，唔够辣又可以加啲辣椒仔酱落去，虽然我唔食得辣但都接受到，几过瘾。冇叫任饮，埋单夹埋都系100蚊左右，抵到烂。